News

08 Jun Ilir Meta ne Devoll. Koha e premtimeve boshe ka kaluar, Tani është koha që të vëmë të gjithë Shqipërinë në punë

Kryetari i Lëvizjes Socialiste për Integrim, Ilir Meta, ka zhvilluar një takim mjaft entuziast me mijëra qytetarë të Rrethit të Devollit. I shoqëruar ekipi i kandidatëve të LSI-së në Qarkun e Korçës z. Meta prezantoi kryesuesin e kësaj liste, Piro Kapuranin, si dhe kanditatët e LSI-së për Rrethin e Devollit, Petrika Lamen dhe Zamir Demirajn. Në fjalën e tij para qytetarëve devollinj Lideri i Lëvizjes Socialiste për Integrim u shpreh se “është kënaqësi e veçantë të jem sot në Devoll, në këtë krahinë të shquar, në këtë krahinë që dallohet si rrallë ndonjë tjetër për njerëzit jashtëzakonisht punëdashës dhe bujarë, në këtë krahinë që lindi një njeri të madh, një shkrimtar të madh si Dritëro Agolli, që i dha emër gjithë Devollit e sidomos shpirtit tuaj punëtor e bujar”.

07 Jun Kryesuesja e listës së kandidatëve për deputetë të Lëvizjes Socialiste për Integrim në Qarkun e Lezhës, Monika Kryemadhi, e shoqëruar nga të gjitha kandidatët e tjerë në këtë qark, ka zhvilluar një tur takimesh në Bashkinë e Rubikut dhe në katër komuna t

Kryesuesja e listës së kandidatëve për deputetë të Lëvizjes Socialiste për Integrim në Qarkun e Lezhës, Monika Kryemadhi, e shoqëruar nga të gjitha kandidatët e tjerë në këtë qark, ka zhvilluar një tur takimesh në Bashkinë e Rubikut dhe në katër komuna të tjera të Qarkut të Lezhës, përkatësisht në fshatin Rreps të Komunës Orosh, në Fan dhe në Blinisht.

Në bashkëbisedimin që zhvilloi me qytetarët znj. Kryemadhi deklaroi se ka ardhur koha që vëmendja të kthehet në Qarkun e Lezhës. Sipas saj politika duhet të mendojë në radhë të parë se si duhet t’i shërbejë lezhjanëve dhe të gjithë shqiptarëve dhe jo të shkëputet prej tyre dhe problemeve që qytetarët kanë.

07 Jun lir Meta: Më 23 qershor merr fund kapitulli i lodhshëm i tranzicionit

Kryetari i Lëvizjes Socialiste për Integrim, Ilir Meta, ka zhvilluar një takim festiv me mijëra të rinj të Njësisë Bashkiake nr. 4 në Tiranë dhemb pas është ndalur në një bashkëbisedim me qytetarët në Njësinë Bashkiake nr. 7.

Në fjalën e tij para të rinjve Lideri i Lëvizjes Socialiste për Integrim tha se më 23 qershor të rinjtë shqiptarë votojnë për zgjidhjen e problematikave të tyre, për të cilët LSI ka një plan konkret. “Ju votoni për të ngritur zërin tuaj në Kuvendin e ardhshëm të Shqipërisë, për t’i dhënë zgjidhje problemeve tuaja lidhur me reformimin e sistemit tonë arsimor, me krijimin e mundësive dhe hapësirave për formimin profesional, për zgjidhjen e problemeve tuaja lidhur me hapjen e vendeve të reja të punës për të cilat Lëvizja Socialiste për Integrim ka një plan konkret duke krijuar lehtësi fiskale për të gjithë sipërmarrësit të cilët punësojnë të rinj dhe të reja për herë të parë, si një mbështetje që u jepet atyre për të hyrë të sigurt në jetën që duhet të ndërtojnë me punë dhe me djersë”, vijoi Kryetari i Lëvizjes Socialiste për Integrim, Ilir Meta.

06 Jun LSI dënon ndalimin nga policia të kandidatëve për deputet të Qarkut Kukës

Konferencë për Shtyp
Ralf Gjoni

Shprehim shqetësimin e thellë për angazhimin politik të policisë së rrethit të Hasit, e cila sot në menyrë të qëllimshme dhe arbitrare, dhe jo për herë të parë, ka ndaluar automjetin me te cilin udhetonin kandidatët për deputet të LSI të qarkut Kukës, duke i penguar ata në ushtrimin e aktivitetit të tyre elektoral.

Lëvizja Socialiste për Integrim dënon fort përdorimin politik që i bëhet policisë së shtetit në këtë periudhë zgjedhjesh, dhe i bëjmë thirrje Ministrit të Brendshëm, z. Noka, i cili është edhe kandidat për deputet i Partisë Demokratike në Qarkun Kukës, të distancohet menjëherë nga këto akte të papranueshme dhe të mbajë qëndrim të menjëhershëm zyrtar, në mënyrë që Policia e Shtetit të mos jetë pjesë dhe vegël e lojëravetë ulëta politike, por të tregojë profesionalizëm dhe integritet në ushtrimin e detyrës që i ka hije uniformës së policit.

06 Jun Meta: Modeli ekonomik duhet të orientohemi drejt prodhimit

LSI organizon forumin ekonomik me temë kryesore “Zhvillimi i qëndrueshëm ekonomik për një punësim të sigurt”

Lëvizja Socialiste për Integrim organizoi sot në Hotel Tirana International forumin ekonomik me temë “Zhvillimi i qëndrueshëm ekonomik për punësim të sigurt”. Në këtë forum, ku ishte i pranishëm një panel shumë i spikatur, mori pjesë Kryetari i Lëvizjes Socialiste për Integrim, Ilir Meta, si dhe nderonte me praninë e tij një nga këshilltarët kryesorë të qeverive “Laburiste” në Britaninë e Madhe,  këshilltar ekonomik dhe i politikave sociale  i Tony Blair, gjithashtu edhe këshilltar i Gordon Broën, aktualisht profesor në Universitetin e Oksfordit, Patrick Diamond. 

04 Jun Naço: Partia Demokratike është bërë tamam si një traktor i vjetër që i del zinxhiri në çdo metër

Kandidati për deputet i Lëvizjes Socialiste për Integrim në Qarkun e Beratit, z. Nasip Naço ka deklaruar se Kryeministri Berisha gjatë tetë viteve që qeverisi vendin nuk arriti të mbaronte dot as 3 kilometra rrugë në Skrapar.

Gjatë një prononcimi për mediat nga Berati, z. Naço u shpreh se Berisha do të vijë me helikopter në Skrapar, teksa theksoi se Partia Demokratike tashmë është bërë si një traktor i vjetër që i del zinxhiri në çdo metër.

“Berisha nuk i mbaroi dot as tre kilometra rrugë në Skrapar gjatë tetë viteve qeverisje dhe tashmë ai do të vijë me helikopter në Skrapar. Po ta vini re Partia Demokratike është bërë tamam si një traktor i vjetër që i del zinxhiri në çdo metër”, ka deklaruar kandidati për deputet i Lëvizjes Socialiste për Integrim.

04 Jun Intervista e Kryetarit të LSI-së, Ilir Meta, dhënë në televizionin “ABC News"

Z. Meta, kur na ndajnë edhe pak ditë nga zgjedhjet e 23 qershorit, cilat janë pritshmëritë e Lëvizjes Socialiste për Integrim?

Pritshmëritë tona janë tepër pozitive. Në radhë të parë, ne do të kontribuojmë për një fushatë sa më pozitive, sa më konstruktive, sa më qytetare sepse mendoj se është shumë e rëndësishme për të gjithë vendin dhe për të gjithë qytetarët tanë që të kemi zgjedhje të standardeve evropiane dhe pritshmëritë janë tepër pozitive edhe për Aleancën për Shqipërinë Evropiane dhe në veçanti për Lëvizjen Socialiste për Integrim.

04 Jun Meta: Modernizimi i bujqësisë dhe industrisë agro-përpunuese ne shërbim te rritjes se eksporteve.

Kryetari i Lëvizjes Socialiste për Integrim, Ilir Meta, zhvilloi një vizitë në një fermë bujqësore në qytetin e Lushnjës. Duke biseduar më fermerët, pronarë të një sere, z. Meta u shpreh se Plani i Punësimit i Lëvizjes Socialiste për Integrim fillon me sektorin e bujqësisë, me hapat konkretë që do të ndërmerren për rimëkëmbjen dhe modernizimin e saj. “Plani ynë për të vënë Shqipërinë në punë natyrisht që fillon nga rimëkëmbja dhe modernizimi i bujqësisë dhe industrisë agro-përpunuese në vend. Fillon nga mbështetja dhe subvencionimi i këtyre aktiviteteve fondamentale, jo vetëm për të rritur mirëqenien e fermerëve tanë por për të rritur prodhimin, për të rritur eksportet e Shqipërisë drejt vendeve të tjera si rruga më e sigurt për një rritje të qëndrueshme dhe për një punësim të qëndrueshëm”, tha z. Meta.

04 Jun Ilir Meta: Më 23 qershor Bulqiza do të ndëshkojë harresën dhe neglizhencën

Pas takimit madhështor të zhvilluar në qytetin e Peshkopisë, takim në të cilin u prezantuan kandidatët për deputet në Qarkun e Dibrës, kryetari i Lëvizjes Socialiste për Integrim, Ilir Meta, u ndaj në një takim në qytetin e Bulqizës. Në fjalën e tij para mijërave qytetarëve të Bulqizës, z. Meta deklaroi se Bulqiza është një qendër shumë e rëndësishme për të gjithë vendin që si pjesë e Qarkut të Dibrës, janë më të harruarit dhe të më neglizhuarit nga qeveria aktuale. “Prandaj më 23 qershor, me votën tuaj ju do të ndëshkoni këtë harresë, këtë neglizhencë. Ju nuk i keni asnjë borxh Partisë Demokratike. Përkundrazi, është ajo që ka detyrime pa fund ndaj popullit tuaj. Ju bë kaq kohë që çdo dy vjet sa herë ka zgjedhje lokale apo zgjedhje parlamentare. Premtohet rruga e Arbrit dhe hidhet një grusht asfalt elektoral”, tha ndër të tjera z. Meta.

03 Jun Kryemadhi: Duhet krijuar siguri për investitorët e huaj, që biznesi i tyre të jetë i garantuar

Kandidatja për deputete e Lëvizjes Socialiste për Integrim në Qarkun e Lezhës, Monika Kryemadhi ka zhvilluar një takim me banorë të Komunës Zejmen e shoqëruar edhe nga kryetari i bashkisë së Lezhës, Viktor Tusha.

Gjatë bashkëbisedimit me banorët dhe simpatizantët e LSI-së në këtë komunë znj. Kryemadhi u shpreh se kudo në Lezhë ndihet mungesa e dorës së shtetit dhe se kërkohet një ritëm tjetër.