News

14 Apr Ilir Meta: Rotacioni është bërë i domosdoshëm dhe i paevitueshëm, do ta zgjidhim me votën e 23 qershorit

Kryetari i Lëvizjes Socialiste për Integrim, Ilir Meta, zhvilloi sot në qytetin e Fierit një mbledhje me Kryesinë e LSI-së në këtë qytet. Në këtë takim z. Meta ishte i shoqëruar nga Sekretari i Përgjithshëm i LSI-së, Luan Rama, si dhe nga Zëvendëskryetari i LSI-së, Petrit Vasili, i cili u prezantua edhe si kryesuesi i  fushatës së Lëvizjes Socialiste për Integrim në Qarkun e Fierit për zgjedhjet e 23 qershorit. Kryetari i Lëvizjes Socialiste për Integrim, Ilir Meta ka deklaruar nga qyteti i Fierit se rotacioni në vend është bërë i domosdoshëm dhe i paevitueshëm. Sipas tij ky rotacion është i sigurt në zgjedhjet e 23 qershorit. Ai tha se vendi ka nevojë për një ekuilibër të ri politik, një balancë të re pushtetesh për të përballuar problemet sociale të vendit. Z. Meta tha se duke dalë në opozitë LSI-ja ka marrë parasysh pasojat por ky është një vendim i logjikshëm në shërbim të komunitetit.

13 Apr Manjani: Pseudomazhoranca po dhunon KQZ-në

Që në fillim dua të bëj një saktësim, një sqarim të domosdoshëm, të paktën për të sqaruar opinionin publik se, znj. Lefteri Lleshi, znj. Vera Shtjefni, znj. Albana Shtylla, z. Benar Biba, z. Hysen Osmanaj, z. Jani Jani dhe z. Ilirjan Muho nuk kanë lidhje me asnjë parti politike në vend. Asnjë parti politike nuk mund të pretendojë autorësinë apo, më keq akoma, pronësinë mbi anëtarin e Komisionit Qendror të Zgjedhjeve.

Lëvizja Socialiste për Integrim ka reaguar dhe vazhdon të reagojë, si jo e vetmja parti në fakt pasi edhe parti të tjera shqiptare por jo vetëm, po reagojnë për këtë çështje, qëllimi i vetëm është ky: Komisioni Qendror i Zgjedhjeve dhe misioni i tij apolitik, funksioni i tij apolitik nuk do të preket. Ky është Kodi Zgjedhor. Kjo është Kushtetuta. Kjo është ligjësia që kemi vendosur bashkërisht me konsensus kur miratuam Kodin Zgjedhor. Pra. asnjë prej shtatë anëtarëve të KQZ-së nuk është përfaqësues i asnjë partie politike në këtë vend.

12 Apr Meta: Vendimet e LSI në shërbim të së ardhmes

Kryetari i Lëvizjes Socialiste për Integrim, Ilir Meta, mori pjesë sot në një takim në Koplik me qindra qytetarë të Rrethit të Malësisë së Madhe. Në këtë takim u prezantua edhe kandidati për deputet i LSI-së në Malësinë e Madhe, Ritvan Heba, ndërkohë që 200 anëtarë të rinj i janë afruar radhë të LSI-së, një pjesë prej të cilëve Lideri i LSI-së u dha edhe dokumentet e anëtarësisë. Në fjalën e tij Kryetari i Lëvizjes Socialiste për Integrim, Ilir Meta, e cilësoi z. Heba si një “një shok i shkëlqyer, është një nga themeluesit e LSI-së, është një drejtues me përvojë dhe me të gjitha vlerat, kapacitetet dhe mbi të gjitha integritetin për të qenë përfaqësues i denjë i popullit të mrekullueshëm i Malësisë së Madhe”.

10 Apr Reagimi/ Konferenca për shtyp e Nënkryetarit të LSI-së, Ylli Manjani

Ne thirrëm përsëri këtë komunikim me ju, në këtë orë, edhe për t’ju përgjigjur interesit tuaj të shtuar. Me këtë rast unë dua të falënderoj të gjithë median për interesin që ka shprehur gjatë këtyre orëve pas nisjes së procedurave në Komisionin e ligjeve të parlamentit, sot në orën 14.30, procedura të cilat nuk kanë asnjë lidhje me shtetin, me ligjin, me Kushtetutën, rendin juridik, procedura të cilat praktikisht i nxjerrin pozicionet e vendit, në mënyrë të veçantë zgjedhjet e lira në një kontekst tërësisht ilegal. Ky është një moment që çdo parti politike duhet të mbajë qëndrimet e saj por jo vetëm partitë politike institucionet në vend por në radhë të parë Parlamenti i Shqipërisë i cili ka detyrë nesër më shumë sesa asnjëherë tjetër të rivendosë legjitimitetin e munguar, i cili ka nis sot në Komisionin e Ligjeve i cili duhet të ishte simboli i respektimit ku ligji drejt së drejtës në këtë vend. 

10 Apr Manjani : Kush prek KQZ-në ka prekur zgjedhjet e lira

Jemi sot për të kërkuar gjithë përqendrimin e vëmendjes së gjithë klasës politike, por jo vetëm, për ti dhënë mbështetjen maksimale, që praktikisht është e nevojshme, për ato gjëra që kërkoi Guvernatori i Bankës së Shqipërisë dje. Praktikisht është një paketë shumë e rëndësishme, e cila në fakt ndihmon të gjithë sistemin bankar për të çliruar sa më shumë potenciale dhe energji nëpërmjet kredidhënies por edhe për të siguruar kredi në të ardhmen.

09 Apr Konferenca për shtyp e Sekretarit të Përgjithshëm të LSI-së, Luan Rama

Jam sot në këtë komunikim me ju për të përcjellë, përmes jush, për të gjithë opinionin publik vendas në Shqipëri por edhe për të gjithë opinion publik shqiptar kudo ku gjendet, vlerësimin e Lëvizjes Socialiste për Integrim për procesin zgjedhor të realizuar në Maqedoni. Në mënyrë të veçantë dëshiroj të falënderoj të gjithë faktorin politik shqiptar dhe shoqërinë qytetare të shqiptarëve që jetojnë në Maqedoni për seriozitetin, korrektesën dhe angazhimin e demonstruar për të bërë të mundur që të realizohej një proces i vlerësuar edhe nga partnerët ndërkombëtarë.

07 Apr Ilir Meta priti Sekretarin e Përgjithshëm të Internacionales Socialiste z. Luis Ayala

Kryetari i Lëvizjes Socialiste për Integrim z. Ilir Meta priti sot në selinë e partisë, Sekretarin e Përgjithshëm të Internacionales Socialiste z. Luis Ayala.

Z. Meta dhe z. Ayala diskutuan mbi zhvillimet e fundit politike në Shqipëri para zgjedhjeve të 23 qershorit. Gjatë takimit, u vlerësua roli i Internacionales Socialiste në shërbim të forcimit të bashkëpunimit mes forcave të majta në Shqipëri dhe u theksua rëndësia që merr në këtë kontekst partneriteti i ri mes Lëvizjes Socialiste për Integrim dhe Partisë Socialiste për të garantuar përshpejtimin e ritmeve të integrimit evropian të Shqipërisë.

06 Apr Ilir Meta: LSI, forca që i bashkon të gjithë të rinjtë dhe të rejat

300 të rinj e të reja i janë shtuar radhëve të Lëvizjes Rinore për Integrim në  një aktivitet festiv të organizuar nga LRI e Njësisë nr. 2 në Tiranë. I pranishëm ka qenë edhe Kryetari i Lëvizjes Socialiste për Integrim, Ilir Meta, i shoqëruar nga  kryetari i LSI-së për Tiranën, Shezai Rrokaj, kryetari i LSI për Njësinë nr. 2, Elez Gjoza, si dhe kryetari i Lëvizjes Rinore për Integrim, Endrit Braimllari. Lideri i LSI-së në fjalën e tij përshëndetëse ka deklaruar se LSI është një forcë politike e cila i bashkon të gjithë shqiptarët, sidomos të rinjtë dhe të rejat e vendit. Sipas tij LSI sjell shpresë, mesazhe pozitive, mesazhin e një ndryshimi konstruktiv, i cili do ta afrojë më shpejt Shqipërinë me Evropë.

 “Është kënaqësi të shoh kaq të reja dhe të rinj së bashku, njëkohësisht kaq të bashkuar dhe kaq optimist. LSI është një forcë që i bashkon shqiptarët dhe mbi të gjitha është një forcë që i bashkon të rinjtë. Është një forcë që i bashkon të rinjtë për ndryshim, për një perspektivë më të mirë, dhe për të krijuar mundësi të reja për të gjithë vendin dhe në radhë të parë për veten e tyre për më të rinjtë. Radhët e LSI dhe LRI shtohen në mënyrë të jashtëzakonshme, sepse LSI sjell shpresë, mesazhe pozitive, mesazhin e një ndryshimi konstruktiv, i cili do ta afrojë më shpejt Shqipërinë me Evropën dhe i cili do të krijojë më shumë mundësi për të gjithë të rinjtë për një edukim më të mirë dhe në veçanti për një punësim të qëndrueshëm dhe dinjitoz në vendin tonë”, tha ndër të tjera Kryetari i Lëvizjes Socialiste për Integrim, Ilir Meta.

05 Apr Meta: Me PS për të ardhmen evropiane. Meta : Ata që s’dinë të bëjnë politikë, ktirikojnë

Lëvizja Socialiste për Integrim zhvilloi sot në ambientet e Hotel “Tirana International”, mbledhjen e Komitetit Drejtues Kombëtar, (KDK). Në këtë takim ishte i pranishëm Kryetari i LSI-së, Ilir Meta, i shoqëruar nga Grupi Parlamentar i LSI-së dhe nga drejtues të tjerë të kësaj force politike. Mbledhja e KDK-së së LSI-së u zhvillua në kuadrin e përgatitjeve për zgjedhjet e 23 qershorit, përcaktoi objektivat me qëllimin e vetëm realizimin e një fitoreje të madhe në këto zgjedhje.

LSI organizoi këtë mbledhje të Komitetit Drejtues Kombëtar pas disa zhvillimeve të rëndësishme politike të cilat sollën një situatë të re në konfigurimin e skenës politike shqiptare, që lidhet me vendimin e rëndësishëm të Kryesisë së LSI-së për të pranuar ftesën e Partisë Socialiste për koalicion parazgjedhor me këtë forcë politike. Në fjalën e tij Kryetari i Lëvizjes Socialiste për Integrim, Ilir Meta, deklaroi se me vendimin e marrë për një koalicion me Partinë Socialiste, Kryesia e LSI-së pranoi kështu një koalicion të natyrshëm i cili synon t’i japë vendit një frymëmarrje të re demokratike dhe bashkëpunimi.

04 Apr Ilir Meta priti Zv. Presidentin e Parlamentit Evropian, z. Gianni Pittella

Kryetari i Lëvizjes Socialiste për Integrim z. Ilir Meta priti sot në selinë e partisë, Zv. Presidentin e Parlamentit Evropian, z. Gianni Pittella.

Z. Meta dhe z. Pittella diskutuan mbi zhvillimet e fundit politike në Shqipëri, mbi ecurinë e procesit të integrimit evropian dhe mbi situatën para zgjedhore.

Z. Meta e falënderoi  z. Pittella për inkurajimin e vazhdueshëm të forcave social-demokrate evropiane në interes të krijimit të një momenti të ri bashkëpunimi mes partive të majta në Shqipëri, duke theksuar njëkohësisht se LSI ka qenë dhe mbetet gjithnjë e angazhuar për përshpejtimin e axhendës evropiane të Shqipërisë. Në këtë kuadër, z. Meta vlerësoi kontributin pozitiv të Parlamentit Evropian në mbështetje të vendit dhe qytetarëve shqiptarë.