News

LuanRama.12.03.2015

Luan Rama: Lëvizja Socialiste për Integrim është e vendosur që të ecë përpara pa u trembur nga askush, por duke i treguar vendin cilitdo që bënë pakt me krimin apo që është peng i krimit

Rama: Shqipëria e vitit 2015 nuk mund të qëndrojë më peng as i bandave dhe as i banditëve, as i falsifikatorëve dhe as i manipulatorëve

Rama: Përpara për fitoren e radhës, sepse nuk është faji ynë që këta tremben nga rritja e LSI-së, nuk është faji ynë që të tjerët tremben nga solidariteti i LSI-së.

EdmondPanariti.11.03.2015

Z. Panariti dhe homologu i Katarit biseduan për financimin e ngritjes së serave hidroponike për perime në tokat bujqësore të varfra

Në vijim të vizitës së tij zyrtare në Katar, Ministri i Bujqësisë, Administrimit të Ujërave dhe Zhvillimit Rural, z. Edmond Panariti, u takua me Ministrin e Mjedisit që mbulon edhe sektorin e bujqësisë e ushqimin të Katarit, z. Al Humanidi.

Gjatë bashkëbisedimit, Ministri Panariti i kërkoi homologut të tij mbështetje për pastrimin dhe mirëmbajtjen e kanaleve kullues.

Z. Panariti dhe homologu i Katarit biseduan edhe për financimin e ngritjes së serave hidroponike për perime në tokat bujqësore të varfra.

Ministri Panariti dhe homologu i tij, Al Humanidi shprehën nevojën për intensifikimin marrëdhënieve midis dy vendeve, ndërsa u bisedua për rritjen e investimeve në sektorin e peshkimit.

PetritVasili.11.03.2015

Dëgjuam pak më parë deklaratën e Sekretarit të Përgjithshëm të PD-së, të një njeriu të njohur botërisht si një i dënuar për korrupsion, i cili bën thirrje për protestë dhe për dorëheqjen e Kryetarit të Kuvendit.

Çdo parti është e lirë të bëjë protesta në Shqipëri. Edhe PD është e lirë të bëjë protesta, edhe 24 orë në ditë po të dojë për llogari të krimit të organizuar, madje edhe të mbajë flamurin e tij.

LuanRama.11.03.2015

Farsa e Tom Doshit mbërriti dje në një pikë qesharake apo në një moment grotesk, pasi deputeti në fjalë, meqenëse dështoi të prodhonte një vrasës nga Fushë Kruja, ka gjetur apo ka sajuar më mirë, një të ashtuquajtur vrasës nga Skrapari.

Mirëpo, ajo çfarë është e rëndësishme dhe që duhet ta dinë qytetarët e këtij vendi, lidhet me faktin se rezulton që vrasësi, i ashtuquajtur vrasës nga ana e Tom Doshit, i cili u bë i njohur dje Petrit Çinari, rezulton të jetë një i sëmurë mendor i trajtuar si i tillë nga institucionet e specializuara të vendit.

MonikaKryemadhi.10.03.2015

Pas daljes nga Prokuroria për Krimet e Rënda, deputetja e Lëvizjes Socialiste për Integrim, znj. Monika Kryemadhi, në një prononcim për mediat shprehu gatishmërinë për të bashkëpunuar me organet e drejtësisë.

Znj. Kryemadhi u shpreh se ka dhënë në Prokurori të gjithë shpjegimet rreth ngjarjes, ndërsa shprehu gatishmërinë për t'u përballur në organet e drejtësisë me Tom Doshin dhe me të gjithë shokët e tij.

PetritVasili.03.03.2015

Kryetari grupit parlamentar të Lëvizjes Socialiste për Integrim, z. Petrit Vasili ka reaguar në lidhje me akuzat e bëra nga deputeti Tom Doshi.

Në një prononcim për mediat, z. Vasili kërkoi që komploti i pularisë duhet të hetohet nga organet e drejtësisë, teksa i kërkoi deputetit të PD-së, Sali Berisha të mos nxitohet me deklaratat e tij.

YlliManjani.03.03.2015

Manjani: E majta e bashkuar, një projekt i cili të gjithë votuesit e majtë, por në përgjithësi opinioni publik e ka kërkuar prej kohësh.

Manjani : Ky është një projekt i arritur, pavarësisht ulje-ngritjeve individuale, e theksoj, individuale, asgjë s'është institucionale

Përshëndetje, e thirrëm këtë komunikim me ju për të paraqitur qëndrimin zyrtar të Lëvizjes Socialiste për Integrim në lidhje me zhvillimet e ditëve të fundit, qëndrime të cilat sigurisht na bëjnë që të jemi të qartë, të prerë dhe unik në atë që të përshëndesim një herë në radhë të parë vendimet e marra deri tani, kryesisht të Partisë Socialiste për t'u ndarë një herë e mirë nga shantazhi si mënyrë për të bërë politikë.

SpartakBraho.03.03.2015

Spartak Braho: Berisha ka detyrim ligjor të dëshmojë në Prokurori, jo shkallëve

Kryetari i Komisionit për Sigurinë Kombëtare, z. Spartak Braho në një prononcim për mediat i kërkoi deputetit Sali Berisha që të dëshmojë në Prokurori në lidhje me çështjen "Doshi" dhe jo të lëshojë akuza shkallëve të selisë së PD-së. Z. Spartak Braho i kujton z. Berisha se fshehja e informacioneve përbën një vepër penale.

PetritVasili.07.03.2015

Jemi këtu për të komunikuar së bashku lidhur me zhvillimet më të fundit, por në mënyrë të veçantë jemi këtu për t'u përqendruar në një moment tjetër, atë të kërkesës së vazhdueshme dhe sigurisht qesharake të Kryetarit të Partisë Demokratike, lidhur me dorëheqjen e Kryetarit të Kuvendit.

Kërkesë kjo nga e cila kryetari i Partisë Demokratike do të bënte mirë që të hiqte dorë sa më parë për arsyen e thjeshtë, sepse Kryetari i Partisë Demokratike është i vetmi shqiptar i cili nuk mundet ta bëjë një kërkesë të tillë.

Të gjithë qytetarët e këtij vendi e kanë mjaft mirë të fiksuar në mendje, që ky person është akuzuar nga Prokuroria e Përgjithshme dhe nga Kontrolli i Lartë i Shtetit për vjedhjen e 230 milionë dollarëve në mega-aferën e rrugës Durrës-Kukës.

PetriVasili 19.02.2015

Zoti Vasili dje opozita ka kërkuar futjen menjëherë në Parlament të kërkesës së saj për ngritjen e komisionit për dekriminalizimit. Ju jeni edhe një nga firmëtarët e kësaj rezolute. Kur do të nis puna pasi është një proces që duhet të kishte nisur në janar dhe duhet të përfundojë në 30 qershor?

Po ne nëpërmjet rezolutës kemi shprehur vullnetin dhe gatishmërinë tonë. Sigurisht qartësimi i modaliteteve është një moment i përshtatshëm për të diskutuar në mënyrë konkrete për çështjen. Kështu që nuk ka pasur asnjë lloj kundërshtie, as parimore, po as edhe të shprehjes së vullnetin, sepse tashmë kjo është një çështje e bërë publike nëpërmjet një impenjimi të përbashkët politik.

Kështu që nuk shoh asnjë arsye, as për një përplasje politike, as për një debat politik. Janë instrumentet të cilat me t'u vënë në lëvizje do ta kenë predispozicionin e mazhorancës i cili tashmë është një predispozicion i shprehur.

Kështu që nuk gjej ndonjë arsye as për ngut, dhe as për një polemikë të panevojshme në këtë rast. Sapo kjo çështje të ulet, ne detyrimisht vullnetin e shprehur do ta materializojmë jo vetëm me gatishmërinë tonë tashmë publike, por dhe me ecjen përpara të saj, por sigurisht nëpërmjet instrumenteve të qarta dhe transparente, të cilat nuk i bëjnë shërbim debatit politik, i cili mund të jetë një kënaqësi për opozitën, por dhënies së një zgjidhje, e cila është një zgjidhje që shkon përtej mazhorancës dhe opozitës, por për t'i dhënë kësaj çështje një përgjigje e cila do të jetë një përgjigje e vërtetë dhe e qëndrueshme në kohë.