News

22 Mar Petrit Vasili: Një bujqësie e zhvilluar do të thotë një Shqipëri konkurruese në Evropë.

Diskutim me fermerët në Lushnjë për problematikat e bujqësisë

Vasili : Një bujqësi që lëngon do të thotë një Shqipëri që vuan

Ministri Panariti: Përmbysja e bilancit negativ import-eksport dhe promovimi i prodhimit vendas, sfida jonë e përbashkët

Deputeti i Lëvizjes Socialiste për Integrim në Qarkun e Fierit, njëherazi Kryetar i Grupit Parlamentar të LSI-së, Petrit Vasili, zhvilloi një bashkëbisedim me fermerët e Lushnjës në zonën e Tërbufit për problemet në bujqësi dhe rrugët për t'i zgjidhur këto problematika.

20 Mar Fjalimi i Ministri të Drejtësisë, z Nasip Naço mbi projektligjin “Për disa shtesa dhe ndryshime në ligjin për parandalimin dhe goditjen e krimit të organizuar dhe trafikimit nëpërmjet masave parandaluese kundër pasurisë”

I nderuar z. Kryetar,
I nderuar z. Kryeministër,
Të nderuar deputet,
Të nderuar të pranishëm,

Departamenti amerikan i Shtetit në raportin e tij të fundit për të drejtat e njeriut, ka evidentuar se "Qeveria nuk e zbatoi ligjin dhe shpesh zyrtarët përfshihen në praktikat korruptive pa u ndëshkuar, ndërsa korrupsioni ishte i përhapur në të gjitha degët e qeverisë.

19 Mar Spartak Braho: Ka një handikap që Drejtori i Përgjithshëm i SHISH-it sot është i pacertifikuar

Kryetari i Komisionit të Sigurisë Kombëtare, prononcim për mediat: Ka një angazhim më të madh të strukturave të Prokurorisë
Braho: Jemi në pritje të kapërcimit të kësaj pengese, por nëse do të vonohet, do të veprojmë shumë shpejt

Kryetari i Komisionit të Sigurisë Kombëtare, z. Spartak Braho, duke folur për mediat në lidhje me punën e Prokurorisë, vlerësoi angazhimin e strukturave të organit të akuzës dhe kërkoi prej këtij institucioni që të vijojë çdo ditë goditjen ndaj krimit.

"Padyshim që kërkesat për organin e Prokurorisë janë të mëdha. Kam përshtypjen, një përshtypje në dukje është kjo, që ka një lëvizje në veprimtarinë e Prokurorisë, ka një angazhim më të madh të strukturave të saj.

02 Mar Lëvizja Rinore për Integrim anëtarësohet me të drejta të plota në Internacionalen e të Rinjve Socialistë

Kejdi Mehmetaj: LRI do të bëjë më të mirën për rininë shqiptare, për të ndihmuar vendin të "ecë më shpejt drejt integrimit

Nga sot, Lëvizja Rinore për Integrim është anëtare me të drejta të plota në Internacionalen e të Rinjve Socialistë (International Union of Socialist Youth-IUSY).

02 Mar Në Kongresin e Evropianeve Socialistë në Romë, LSI përfaqësohet nga Sekretari Ndërkombëtar Ralf Gjoni

Kongresi i PES në Romë konfirmon kandidaturën e Martin Schulz për President të Komisionit Evropian.

Partia e Evropianëve Socialistë (PES) mblodhi këtë fundjavë Kongresin Elektoral në Romë, me pjesëmarrjen e liderëve të majtë dhe përfaqësuesve të partive social-demokrate evropiane, midis të cileve ishin Kryeministri i ri i Italise Matteo Renzi, Kryeministri i Francës Jean Marc Ayrault, Kancelari i Austrisë Werner Faymann, Kryeministri i Shqiperisë Edi Rama, Ministri i Jashtëm i Gjermanisë Sigmar Gabriel, Zv. Kryeministri dhe Ministri i Jashtëm i Greqisë Evangelos Venizelos, si dhe kryetarë e përfaqësues të tjerë të partive social-demokrate nga e gjithë Evropa.

02 Mar Grupi Parlamentar i LSI-së në qytetin e Vlorës, vijon turin e diskutimeve me biznese fasone për paketën integruese për këtë biznes

"Janë të qarta një pjesë e mirë e zgjidhjeve, qoftë në nivelin e ndryshimit të legjislacionit por edhe në mjaft zgjidhje të tjera të cilat janë të karakterit administrativ, doganor, të mënyrës së trajnimit të personelit etj"

Grupi Parlamentar i Lëvizjes Socialiste për Integrim, nën drejtimin e kryetarit Petrit Vasili, ka vijuar turin e takimeve konsultative nëpër rrethe të ndryshme të vendit me përfaqësues të biznesit fason për të diskutuar përmbajtjen e paketës së integruar për këtë biznes, paketë e cila është propozuar nga LSI për mbrojtjen e këtij biznesi dhe krijimin e lehtësirave të domosdoshme për të.

26 Feb Petrit Vasili: Paketa integruese duhet të garantojë kërkesat emergjente të biznesit fason

Grupi Parlamentar i LSI-së në Lushnjë dhe Fier, vijon turin e diskutimeve me biznese fasone për paketën e integrues për këtë biznes

"Biznesi fason gjeneron punësim masiv por edhe përbën 30% të eksporteve shqiptare me një vlerë prej 500 milionë eurosh"

Grupi Parlamentar i Lëvizjes Socialiste për Integrim, nën drejtimin e kryetarit Petrit Vasili, ka vijuar turin e takimeve konsultative nëpër rrethe të ndryshme të vendit me përfaqësues të biznesit fason për të diskutuar përmbajtjen e paketës së integruar për këtë biznes, paketë e cila është propozuar nga LSI për mbrojtjen e këtij biznesi dhe krijimin e lehtësirave të domosdoshme për të.

25 Feb Mehmetaj: Nisma, nevojë imediate për ti vënë një ‘notë’ maturës shtetërore në vend

Reforma në maturën shtetërore, deputetët e LSI-së bashkëbisedim me maturantët e Beratit

Problematikat e maturës shtetërore ishin në qendër të diskutimeve gjatë takimit mes maturantëve beratas dhe deputetëve të LSI-së, Kejdi Mehmetaj, Gledion Rehovica dhe Silva Caka.

Deputetja Mehmeti, e cila disa javë më parë ka ngritur shqetësimet për maturën shtetërore në një nga seancat parlamentare, ka folur për rëndësinë që kanë ndryshimet rrënjësore në maturën shtetërore.

"Duke qenë se politika shqiptare merret me probleme më madhore, ndër vite nuk i është kushtuar rëndësia e duhur çështjes së maturantëve dhe kjo ka bërë që sistemi aktual të prodhojë një brez që nuk do jetë në gjendje të drejtojë veten e aq më tepër vendin në të ardhmen", tha Mehmetaj.

22 Feb Petrit Vasili: Mbrojtja e biznesit fason garanton 100 mijë vende pune

"Paketa integruese duhet të vijë sa më parë në Parlament. Fasonistët janë biznes social. Do të kenë përkrhaje të plotë"

Grupi Parlamentar i Lëvizjes Socialiste për Integrim, nën drejtimin e kryetarit Petrit Vasili, ka vijuar turin e takimeve konsultative nëpër qarqe me përfaqësues të biznesit fason për të diskutuar përmbajtjen e paketës së integruar për këtë biznes, paketë e cila është propozuar nga LSI për mbrojtjen e këtij biznesi dhe krijimin e lehtësirave të domosdoshme për të.

Pas takimit të zhvilluar në Berat deputetët e LSI-së kanë qenë sot në qytetin e Shkodrës ku kanë parë nga afër situatën në fabrikën e prodhimit të këpucëve "Bertoni" si dhe në atë të prodhimit të veshjeve "Melgushi", biznese këto që punësojnë më shumë se 1500 punëtorë, pjesa dërrmuese e së cilëve janë gra dhe vajza.

Përveç z. Vasili të pranishëm nga deputetët e LSI-së ishin deputeti i Shkodrës, Agron Çela, deputetët e Elbasanit Bujar Kllogjeri, Miranda Rira dhe Luan Duzha, ai i Beratit, Gledion Rehovica, deputeti i Fierit, Robert Bitri, si dhe deputeti i Qarkut Dibër Përparim Spahiu.

21 Feb Kryetari i Kuvendit z. Ilir Meta priti Zv. Kryeministrin dhe Ministrin e Punëve të Jashtme të Greqisë z. Evangelos Venizelos

Kryetari i Kuvendit z. Ilir Meta priti sot në Kuvend Zv. Kryeministrin dhe Ministrin e Punëve të Jashtme të Greqisë z. Evangelos Venizelos, në kuadër të Presidencës Greke të Këshillit të Bashkimit Evropian.

Kryetari i Kuvendit z. Meta vlerësoi angazhimin e Greqisë në funksion të perspektivës evropiane të Shqipërisë dhe theksoi se Shqipëria mbështetet tek Greqia dhe pesha e saj gjatë Presidencës së Këshillit të BE-së për të avancuar me përmbushjen e prioriteteve të Komisionit Evropian.