News

10 Jul Ilir Meta priti Ambasadorin e Greqisë z. Leonidas Rokanas

Kryetari i Lëvizjes Socialiste për Integrim z. Ilir Meta priti sot Ambasadorin e Greqisë në Shqipëri z. Leonidas Rokanas.

Ambasadori Rokanas shprehu kënaqësinë për mbarëvajtjen e zgjedhjeve të 23 qershorit dhe e uroi z. Meta për suksesin e arritur nga Lëvizja Socialiste për Integrim. Në këtë kuadër Ambasadori vlerësoi rolin konstruktiv dhe pro evropian që LSI manifestoi gjatë fushatës elektorale si një kontribut i vyer për axhendën e integrimit evropian të Shqipërisë dhe për marrëdhëniet mes dy vendeve.

10 Jul Ilir Meta priti Ambasadorin e Italisë z. Massimo Gaiani

Kryetari i Lëvizjes Socialiste për Integrim z. Ilir Meta priti sot Ambasadorin e Italisë në Shqipëri z. Massimo Gaiani.

Ambasadori Gaiani e uroi z. Meta në emër të Qeverisë Italiane për rezultatin e arritur në zgjedhje dhe vlerësoi pjekurinë, përgjegjësinë dhe vullnetin e treguar nga populli shqiptar. Ambasadori u shpreh se mbarëvajtja e zgjedhjeve të 23 qershorit tregoi se Shqipëria ka hyrë në një kapitull të ri.

10 Jul Haxhinasto: Brenda 10 ditëve do të kemi një draft të afërt me versionin përfundimtar të programit qeverisës

Anëtari i Kryesisë së LSI-së, z. Edmond Haxhinasto, njëkohësisht edhe kryetari i grupit të punës PS-LSI, i ngarkuar për hartimin e programit të ri qeverisës ka zhvilluar një takim me ambasadorët e vendeve të BE-së në Shqipëri i shoqëruar edhe nga përfaqësuesi i PS-së në këtë grupi, Ilir Beqja.

Pas takimit që zgjati rreth dy orë dhe që u organizua nga ambasadori i BE-së Ettore Sequi, në një prononcim për mediat, z. Haxhinasto ka vlerësuar komentet nga ana e ambasadorëve për programin e qeverisë së re. Gjithashtu, anëtari i kryesisë së LSI-së tha se diplomatët e huaj vlerësuan fakti që në këtë program ka një referencë të vazhdueshme lidhur me detyrimet për procesin e integrimit të vendit në Bashkimin Evropian.

05 Jul Meta takon presidentin Nishani- Ndamë vlerësimet për forcimin e bashkëpunimit mes institucioneve

Kryetari i Lëvizjes Socialiste për Integrim, z. Ilir Meta ka pasur një takim sot  në mesditë me Presidentin e Republikës së Shqipërisë, z. Bujar Nishani. Pas takimit Lideri i LSI-së dha edhe një prononcim të shkurtër për mediat ku u shpreh se bashkë me kreun e shtetit kishin ndarë vlerësimet për forcimin e mëtejshëm të bashkëpunimi mes institucioneve.

05 Jul Ylli Manjani : LSI flet në emër të interesit të qytetarit dhe jo në emër të interesit të kumarit

“E thirrëm këtë takim në fakt për të shprehur shqetësimin që situata turistike në vend nuk është aspak optimale. Jemi në kulmin e sezonit turistik, është kulmi kur duhet të kishim prenotime, duhet të kishim një dyndje drejt bregut shqiptar dhe në fakt po ndodh e kundërta. Ka një lëvizje me shumë sforco të qytetarëve shqiptarë, por jo vetëm, dhe kjo vjen për shkak se gjithmonë e më shumë emetohen lajme të tipit që, në fakt janë edhe të vërteta, që mungon uji i pijshëm, mungon infrastruktura rrugore, mungon energjia elektrike, madje ngrihen edhe shqetësime deri tek pastrimi i mbetjeve, i ujërave të ndotura apo i plazheve të pastra. Dhe ky është një shqetësim që sigurisht vjen në rritje dhe duke pasur parasysh që qeveria e ikur, tashmë ka kohë që ka ikur nga ky sektor dhe nuk kemi çfarë t’i bëjmë thirrje kësaj qeverie.

05 Jul Intervista e kryetarit të Lëvizjes Socialiste për Integrim dhënë për emisionin “Nga A në Zh” të televizionit “Agon Channel”

Z. Meta, si e përktheni ju me dy fjalë rezultatin e 23 qershorit? I referohem asaj çka mori Lëvizja Socialiste për Integrim.

Demonstrim i shpirtit të ndryshimit të qytetarëve shqiptarë dhe i shpirtit pro-evropian të tyre. Sepse nuk kanë qenë zgjedhje të lehta, ka pasur një trysni të padrejtë dhe të pandershme nga ana e mazhorancës së mëparshme dhe e qeverisë aktuale për të trysnuar popullin shqiptar, për të deformuar procesin zgjedhor. Gjë që nisi që me ndryshimin e paligjshëm dhe antikushtetues të anëtarit të KQZ-së dhe që vijoi deri në minutën e fundit apo që më pas vazhdoi edhe me një sondazh të proklamuar nga një kompani gjoja që kishte punuar me Obamën, etj., që nxirrte bindshëm fitues koalicionit e djathtë.

05 Jul Ilir Meta priti Kryetarin e Bashkimit Demokratik për Integrim (BDI) z. Ali Ahmeti

Kryetari i Lëvizjes Socialiste për Integrim, z. Ilir Meta priti sot në selinë e partisë, kryetarin e Bashkimit Demokratik për Integrim (BDI), z. Ali Ahmeti.

Z. Meta dhe z. Ahmeti biseduan mbi zhvillimet pas-zgjedhore në Shqipëri dhe mbi situatën politike në Maqedoni, me fokus të drejtat e shqiptarëve të vendit fqinj.

Z. Ahmeti e uroi z. Meta për suksesin e arritur nga LSI gjatë zgjedhjeve të 23 qershorit dhe shprehu bindjen se koalicioni i ri qeverisës do vazhdojë të kujdeset për të drejtat e shqiptarëve në Maqedoni.

05 Jul Ilir Meta priti Ambasadoren e Francës në Shqipëri znj. Christine Moro

Kryetari i Lëvizjes Socialiste për Integrim z. Ilir Meta priti sot Ambasadoren e Francës në Shqipëri, znj. Christine Moro.

Ambasadorja Moro e përgëzoi z. Meta për rezultatin e arritur nga LSI në zgjedhjet e 23 qershorit, duke i uruar suksese në angazhimet e mëtejshme.

Z. Meta u shpreh se pas mesazhit të qartë të qytetarëve shqiptarë për ndryshim, “është përgjegjësia jonë të tregojmë pjekuri politike dhe modesti duke punuar ngushtë me të gjithë aktorët, opozitën, shoqërinë civile dhe grupet e interesit, në funksion të politikave që sjellin investime e punësim, dhe që i shërbejnë axhendës evropiane të Shqipërisë”.

29 Jun Intervista e kryetarit të LSI-së, Ilir Meta, në emisionin “5 pyetje nga Babaramo”

Do doja ta nisnim bisedën me takimin që ju keni pasur sot me z. Rama. Për çfarë keni rënë dakord dhe për çfarë keni diskutuar tjetër përveç ndarjes së dy posteve kryesore të shtetit?

Ne jemi takuar për herë të parë, pavarësisht nga komunikimet që kemi pasur përmes bisedave telefonike apo mesazheve, pas 23 qershorit. Por, tani kur pothuajse ka përfunduar procesi, ne kemi rënë dakord për të ndërtuar një kalendar natyrisht edhe bashkëpunimi, i cili do të lehtësojë të gjithë këtë fazë përgatitore dhe tranzicioni. Ne jemi takuar sot me z. Rama dhe elementët kryesorë të kësaj bisede janë bërë të ditura përmes një komunikate për shtyp edhe për opinionin publik.

29 Jun Lëvizja Socialiste për Integrim mblodhi sot Kryesin pas zgjedhjeve të 23 qershorit

Lëvizja Socialiste për Integrim mblodhi Kryesinë, mbledhja e parë që pas zgjedhjeve të 23 qershorit. Në fjalën e tij Lideri i LSI falënderoi të gjitha strukturat e LSI-së për rezultatin e jashtëzakonshëm të kësaj force politike si dhe falënderoi gjithashtu 180 mijë qytetarët shqiptarë që besuan LSI-në. Z. Meta tha se ky sukses mjaft domethënës dhe i rëndësishëm sjell një përgjegjësi të madhe. Sipas tij “tani është koha për përulësi ndaj qytetarëve dhe për një shërbim të përkushtuar për forcimin dhe lartësimin e institucioneve dhe për të përmirësuar në thelb qeverisjen e vendit, e cila duhet të jetë një qeverisje gjithëpërfshirëse”.