News

10 Feb Deklarate nga N.Kryetarja e LSI-se, Klajda Gjosha

LSI vlereson ceshtjen e punesimit si nje nder prioritetet kryesore te shoqerise tone per zhvillimin dhe integrimin e individit dhe vendit.

Ne respekt te gjithe nismave te nderrmara nga Qeveria shqiptare per favorizimin  e politikave lehtesuse mbi hapjen e vendeve te reja te punes theksojme faktin se jemi ne nje moment te rendesishem si fillim viti ku ende mund te fokusojme ndarjen e buxhetit ne favor te punesimit.

Levizja Socialiste per Integrim ka qene dhe mbetet e fokusuar ne punesimin e te rinjve, te grave dhe vajzave dhe te gjithe shtresave ne nevoj. Ndaj arsimi professional, nxitja e sipermarrjes se biznesit nga grate nepermjet trajnimeve te shumta dhe politikave lehtesuese ka qene kryefjale e punes tone por njekohesisht ne kerkojme mbeshtetjen e te gjitha institucioneve perkatese per t’I drejtuar prioritetet e tyre drejt fenomenit te punesimit.

09 Feb Vasili: LSI, Jo konfliktualitet por bashkepunim

Deklarata për mediat e Zv. kryetarit të Lëvizjes Socialiste për Integrim, Petrit Vasili.
Lëvizja Socialiste për Integrim ka vëzhguar dhe vlerësuar me shumë qetësi dhe objektivitet zhvillimet më të fundit të klimës politike shqiptare. Ne konstatojmë me keqardhje një radikalizim ekstrem të kësaj klime, shpesh artificial dhe të panevojshëm, gjë e cila ka ngarkuar me tensione por edhe me akte të panevojshme jo thjesht dhe vetëm politikën, e cila në disa raste mund t’ia lejojë vetes instrumente të tillë si dhe t’i shpërdorojë instrumente të tillë, por se nga ngarkuar akoma edhe më keq mijëra dhe qindra-mijëra qytetarë pikërisht me tensione të panevojshme dhe njëkohësisht me retorika të ngarkuara politikisht dhe emocionalisht, krejtësisht në mënyrë të panevojshme. Këto retorika dhe ky radikalizim ekstrem ka bërë që në mjaft raste momente tepër të rëndësishme të tilla sikurse është axhenda e integrimit nga njëra anë dhe përgatitja me një ritëm të lartë, me intensitet por edhe me një mirëkuptim e bashkëpunim të zgjedhjeve të ardhshme në anën tjetër, të mbeten në plan të dytë.

08 Feb Ilir Meta për rajonin: LSI është forca e dialogut dhe stabilitetit rajonal

Mbështesim fort dialogun Kosovë-Serbi, ashtu siç duhet të ndodhë edhe brenda Shqipërisë.

Gjatë fjalës së tij në punimet e Komidetit Drejtues Kombëtar (KDK) të Lëvizjes Socialiste për Integrim, z. Ilir Meta tërhoqi vëmendjen edhe ndaj zhvillimeve në rajonin e Ballkanit Perëndimor duke theksuar se LSI është forca politike që punon për forcimin e dialogut mes faktorëve politikë dhe vendeve të rajonit tonë, duke bërë një lidhje mes dialogut të brendshëm dhe peshës së Shqipërisë në rajon.

08 Feb Meta: Zgjedhjet test për integrimin, askush s’vë dorë mbi votat e LSI

Mblidhet Komiteti Drejtues Kombëtar i LSI-së

Ilir Meta: E rëndësishme që pas 23 qershorit Shqipëria të mos përjetojë më stanjacion në drejtim të integrimit evropian dhe të zhvillimit të qëndrueshëm

U mblodh sot në ambientet e “Hotel Tirana International” Komiteti Drejtues Kombëtar i Lëvizjes Socialiste për Integrim. Kjo mbledhje e KDK-së vjen pas një sërë takimesh të zhvilluara në rrethe dhe në qarqe dhe u diskutua ajo se çfarë është bërë deri më sot dhe u përcaktuan hapat që do të ndërmerren deri në zgjedhjet e ardhshme të 23 qershorit.

08 Feb Ilir Meta ndalet tek aktiviteti i LRI-së. Meta: E ardhmja nuk është më ajo që ishte

Kryetari i Lëvizjes Socialiste për Integrim, Ilir Meta, para se të merrte pjesë në mbledhjen e Komitetit Drejtues Kombëtar të LSI-së, iu bashkëngjit aktivitetit risi të Lëvizjes Rinore për Integrim nën moton “Shkruaj të ardhmen tënde”. Mesazhi i z. Meta, i shkruar në “Facebook Wall real” të LRI-së ka qenë “E ardhmja nuk është më ajo që ishte” duke i dhënë kështu një mesazh të qartë të gjithë të rinjve të pranishëm por edhe qytetarëve të moshave të ndryshme që iu bashkuan aktivitetit të Lëvizjes Rinore për Integrim. Lideri i LSI-së, Ilir Meta, i shoqëruar nga Sekretari i Përgjithshëm i kësaj force politike, Luan Rama, dhe Zëvendëskryetari i LSI-së, Petrit Vasili, lëvizi në këmbë nga selia e LSI-së deri tek ura e Lanës pranë Shallvareve, ku LRI kishte vendor ““Facebook Wall Real” e saj. Z. Meta përshëndeti të gjithë qytetarët që i ishin bashkuar LRI-së në këtë aktivitet duke dhënë edhe ata mesazhet e tyre për të ardhmen e të gjithëve.

08 Feb LRI edhe një herë me risi

Nën moton “Shkruaj të ardhmen tënde”, LRI zhvillon sot me mijëra të rinj “Facebook Wall real”

Të rinjve nga e gjithë Shqipëria tashmë do të kenë zërin e tyre për të ideuar të ardhmen. Në një mënyrë risi të rinjtë do të kenë mundësinë të shkruajnë në një “Facebook Wall real”.

Një eveniment i tillë bëhet për herë të parë në Shqipëri dhe mbi 1500 të rinj kanë konfirmuar tashmë praninë e tyre në këtë aktivitet. Ky event do zhvillohet nga të rinjtë dhe të rejat e Lëvizjes Socialiste për Integrim tek “Ura e Shallvareve” në qendër të Tiranës, nga ora 11:00 deri në orën 15:00.

07 Feb LSI përshendet takimin mes Presidentëve të Kosovës dhe Serbisë

Ralf Gjoni Sekretar Ndërkombëtar, LSI. Në emër të Lëvizjes Socialiste për Integrim, dëshiroj të përshëndes takimin midis Presidentes së Republikës së Kosovës znj. Atifete Jahjaga dhe Presidentit të Republikës së Serbisë z. Tomislav Nikolic, i cili u zhvillua mbrëmë në Bruksel falë ndërmjetësimit të Bashkimit Evropian

Vlerësojmë kurajën dhe përgjegjshmërinë e lartë politike të treguar nga të dy palët, në interes të axhendës evropiane dhe në të mirë të qytetarëve të tyre.

Takimi midis Presidentëve të Kosovës dhe Serbisë, është shumë i rëndësishëm jo vetëm për nga simbolika historike e marrëdhënieve mes dy vendeve, por edhe për sa i përket jetës në terren të qytetarëve dhe pakicave kombëtare në të dy vendet.

Shprehim bindjen e plotë se takimi i djeshëm, është një gur me peshë në murin e dialogut dhe bashkëpunimit që po ndërtohet kohët e fundit nga Prishtina dhe Beogradi.

06 Feb Risia në komunikim që sjell LSI-ja. Z. Meta i përgjigjet në kohë reale me video çdo të interesuari që i dërgon pyetje

Ndryshe nga të tjerët Lideri i LSI-së, Ilir Meta, ka shmangur stafin e tij dhe ka preferuar t’i përgjigjet në mënyrë të drejtpërdrejtë pyetjeve të qytetarëve të bëra në rrjetin social “Facebook”, për çështje konkrete. Për 2 ditë z. Meta i janë drejtuar 342 pyetje. Si gjithnjë në publik me gjetje të veçantë Meta nuk ka lënë asnjë shteg interpretimi duke qenë vetë në “Inbox-in” e të gjithë atyre që kanë pyetur. “Të nderuar miq është kënaqësi e veçantë për mua që të komunikoj drejtpërdrejtë me ju nëpërmjet medias sociale të “Facebook”. Dua të shpreh kënaqësinë time për qindra pyetje që më janë drejtuar”, është shprehur z. Meta në nisje të përgjigjeve të tij. Të 342 pyetjeve në mënyrë individuale u është dërguar përgjigja nga ana e z. Meta në “Inbox”in e tyre në “Facebook”.

05 Feb Bashkëbisedimi i Kryetarit të LSI-së, z. Meta me gazetarët

Dua të shpreh angazhimin e Lëvizjes Socialiste për Integrim, në radhë të parë, për t’i kontribuar një procesi zgjedhor të standardeve evropiane dhe detyra e parë e të gjithë përfaqësuesve tanë në të gjitha instancat do të jetë zbatimi i ligjit dhe i kodit dhe përpjekja për të arritur vendime konsensuale, nga Komisioni Qendror i Zgjedhjeve dhe në të gjitha nivelet e tjera të administrimit zgjedhor. Kjo sepse edhe mesazhi kryesor i Komisionerit për Zgjerimin dje ishte pikërisht për të arritur standardet europiane në zgjedhjet e ardhshme në mënyrë që ato të shënojnë një moment kyç për demokracinë dhe funksionimin e të gjithë institucioneve demokratike në vend.

04 Feb Ilir Meta priti Ambasadorin e Norvegjisë z. Jan Braathu

Kryetari i Lëvizjes Socialiste për Integrim z. Ilir Meta priti sot Ambasadorin e Norvegjisë në Tiranë, Rezident në Prishtinë, z. Jan Braathu.

Z. Meta dhe Ambasadori Braathu diskutuan mbi ecurinë e procesit të integrimit evropian të Shqipërisë dhe mbi zhvillimet e fundit në rajon.

Z. Meta, i shprehu Ambasadorit Braathu vlerësimin për vëmendjen e vazhdueshme që Norvegjia i kushton Shqipërisë dhe rajonit, duke theksuar nevojshmërinë për thellimin e shkëmbimeve ekonomike e tregtare mes dy vendeve.