08 Feb LRI edhe një herë me risi
Nën moton “Shkruaj të ardhmen tënde”, LRI zhvillon sot me mijëra të rinj “Facebook Wall real”
Të rinjve nga e gjithë Shqipëria tashmë do të kenë zërin e tyre për të ideuar të ardhmen. Në një mënyrë risi të rinjtë do të kenë mundësinë të shkruajnë në një “Facebook Wall real”.
Një eveniment i tillë bëhet për herë të parë në Shqipëri dhe mbi 1500 të rinj kanë konfirmuar tashmë praninë e tyre në këtë aktivitet. Ky event do zhvillohet nga të rinjtë dhe të rejat e Lëvizjes Socialiste për Integrim tek “Ura e Shallvareve” në qendër të Tiranës, nga ora 11:00 deri në orën 15:00.
Të gjithë të rinjtë që do të jenë të pranishëm në këtë aktivitet shumë të veçantë do të mund të japin idetë e tyre dhe të shprehin nëpërmjet statuseve të shkruara në “Facebook Real Wall” ëndrrën për të ardhmen e tyre dhe të vendit tonë. Lëvizja Rinore për Integrim i fton të gjithë të rinjtë që të marrin pjesë në këtë aktivitet për të shprehur kështu nën moton “Shkruaj të ardhmen tënde” idetë dhe ëndrrat e tyre se si e duan ata të ardhmen e Shqipërisë dhe të shqiptarëve.