News

28 Feb Ilir Meta: Propozimet, angazhime kryesore të LSI në politikat e saj pro biznes dhe pro punësim

Lideri i Lëvizjes Socialiste për Integrim, Ilir Meta, zhvilloi sot një takim me presidentin e Dhomës së Tregtisë dhe Industrisë të Tiranës, Nikolin Jaka, dhe me një ekip përfaqësues. Në qendër të diskutimit gjatë këtij takim ishte një paketë propozimesh që Dhoma e Tregtisë dhe Industrisë së Tiranës ka përgatitur për forcat politike, në mënyrë që të adresohen më shpejt për zgjidhjen e problematikave të biznesit. Pas takimit z. Meta dhe z. Jaka dolën në një konferencë për shtyp për mediat e pranishme në selinë e LSI-së. Kryetari i LSI-së, Ilir Meta, deklaroi se këto propozime do të përbëjnë edhe angazhimet kryesore të LSI-së në programin e saj pro biznes. Z. Meta u shpreh se kjo ka të bëjë me një standard më të lartë për çdo qytetar tonin dhe me një ekonomi më të zhvilluar dhe më konkurruese. Nga ana e tij Presidenti i Dhomës së Tregtisë dhe Industrisë të Tiranës, Nikolin Jaka, falënderoi LSI-në dhe lidershipin e saj për mbështetjen e vazhdueshme që i japin biznesit dhe sipërmarrjes së lirë. “Jam i sigurt që LSI dhe në veçanti z. Meta do të na krijojë mundësi të tjera për të analizuar jo vetëm këtë paketë por edhe mundësi bashkëbisedimi dhe të ekspertizës lidhur me integrimin e sipërmarrjes shqiptare, lidhur me formalizimin e saj por njëkohësisht lidhur edhe me krijimin e një roli të duhur për të qenë partnerë dinjitoz të ekonomisë globale”, tha ndër të tjera Nikolin Jaka.

28 Feb Ralf Gjoni: Konflikti politik po institucionalizohet, po pengon integrimin

Sekretari Ndërkombëtar i LSI-së, Ralf Gjoni, në një intervistë dhënë për televizionin “ABCnews”, është shprehur se konflikti politik në Shqipëri po institucionalizohet dhe po pengon integrimin. Sipas tij, është e domosdoshme që palët të bashkëpunojnë për axhendën integruese. Z. Gjoni tha se LSI është kundër stanjacionit në vend dhe retorikave boshe të palëve politike.

LSI, jo pak herë, i është drejtuar klasës politike shqiptare me një apel për konsensus politik, sidomos kur bëhet fjalë për ligjet dhe kriteret e kërkuara nga BE. A ka qenë në këtë frymë edhe takimi i z. Meta në Bruksel me Stefan Fule, komisionerin për Zgjerimin?

Absolutisht që po, dhe nuk janë vetëm ndërkombëtarët që e kërkojnë konsensusin, jemi dhe ne forcat politike kombëtare, ose disa prej nesh, sepse ne e kuptojmë më mirë situatën në vend dhe kuptojmë se sa kosto ka mungesa jo e konsensusit, por e bashkëpunimit politik. Nuk mund të pretendojmë për një konsensus të plotë në çdo çështje. Demokracia këtë ka, ka luftën midis partive politike në parlament, por kërkohet një bashkëpunim dhe takimi midis z. Meta dhe z. Fule ka qenë pikërisht në frymën e shkëmbimit të opinioneve dhe të mendimeve për të gjetur një zgjidhje dhe për të avancuar sadopak që të mundemi axhendën europiane të integrimit Shqipërisë. Duke pasur gjithmonë frikën se kjo axhendë po bllokohet dhe po ngadalësohet nga dita në ditë me këtë ngërç, me këtë konflikt, që tashmë po institucionalizohet dhe po forcohet dita-ditës në Shqipëri, sidomos para zgjedhjeve të përgjithshme.

26 Feb Ilir Meta takon Komisionerin Evropian për Zgjerimin z. Stefan Fule

Kryetari i Lëvizjes Socialiste për Integrim z. Ilir Meta u prit në Bruksel nga Komisioneri Evropian për Politikën e Zgjerimit dhe Fqinjësisë, z. Stefan Fule ku diskutuan mbi zhvillimet e fundit politike në Shqipëri, me fokus të veçantë në avancimin sa më të shpejtë të axhendës evropiane të Shqipërisë, mbarëvajtjen e procesit të administrimit të zgjedhjeve dhe në rolin që Shqipëria luan në rajon.

Z. Meta dhe z. Fule ndanë bindjen e përbashkët se axhenda evropiane e Shqipërisë duhet të mbetet prioriteti kryesor i të gjitha forcave politike në vend, duke theksuar rëndësinë e rritjes së angazhimit politik të të gjitha palëve, dhe të realizimit të një proçesi elektoral të drejtë e të ndershëm.

25 Feb Ilir Meta: Poli i tretë nuk do të lejonte mazhoaranca arrogante

Kryetari i Lëvizjes Socialiste për Integrim, Ilir Meta, në një intervistë të dhënë për televizionin “Top Channel”, ka deklaruar se ideja e një poli të tretë është një ide e cila nuk do të lejonte që të kishim një mazhorancë arrogante. Sipas tij duhet të ketë një ekuilibër në mazhorancën e ardhshme.“Ideja e një poli të tretë apo të qendrës, në thelbin e saj është ideja e mospasjes së një mazhorance të plotë nga një forcë e vetme për arsye se eksperiencat e kanë treguar që mazhoranca të tilla sillen me një arrogancë dhe për të frenuar këtë sjellje është e rëndësishme të ketë një ekuilibër në çdo mazhorancë të ardhshme, e cila do të jetë edhe baza e një bashkëpunimi më të përgjithshëm edhe në Parlament, edhe në tërësi në të gjithë sistemin e qeverisjes së vendit”, tha z. Meta. Lideri i Lëvizjes Socialiste për Integrim, Ilir Meta, është shprehur se LSI do të bëjë koalicion për zgjedhjet e ardhshme vetëm me ato forca politike që janë progresiste, konstruktive dhe bashkëpunuese.

24 Feb Takime me qindra emigrantë në Larisa, Volos dhe Elasona, në Greqi Ilir Meta: LSI, paketë incentivash për emigrantët e kthyer në Atdhe

Kryetari i Lëvizjes Socialiste për Integrim, Ilir Meta, ka zhvilluar takime madhështore me qindra emigrantë shqiptarë në Greqi, konkretisht në qytetet e Larisës, Volosit dhe Elasonës, takime këto të organizuara nga strukturat e degëve të LSI-së në këto qytete. Në këtë takime z. Meta ka qenë i shoqëruar nga deputeti i LSI-së për Qarkun e Gjirokastrës, njëherazi ministër i Shëndetësisë, Vangjel Tavo, Sekretari Politik i LSI-së për Qarkun e Korçës, Piro Kapurani, si dhe nga kryetari i LSI-së në Pogradec, Roshi Tollozhina. Lideri i LSI ka zhvilluar bashkëbisedime me emigrantët shqiptarë atje për probleme që ata i shqetësojnë si dhe ka folur për çështje të rëndësishme në politikën shqiptare. Z. Meta në fjalën e tij ka vlerësuar kontributin e të gjithë emigrantëve për Shqipërinë, të cilin e cilësoi të jashtëzakonshme.

24 Feb Ilir Meta: Rritja e eksporteve dhe punësimi, prioritet e LSI-së për një ekonomi në rritje dhe të qëndrueshm

Kryetari i Lëvizjes Socialiste për Integrim, Ilir Meta, vizitoi një kompani mjaft të suksesshme të të përpunimit të lëndëve të para për industrinë e sallamit. I shoqëruar nga anëtarja e Kryesisë së Lëvizjes Socialiste për Integrim, Nora Malaj, Z. Meta e ka cilësuar përpunimin e lëndëve të para për industrinë e sallamit si një aktivitet të ri në vendin tonë i cili sipas z. Meta tregon se me një shpirt sipërmarrjeje dhe iniciative kurajoze, aktivitete të tilla mund të vijnë në Shqipëri, mund të kenë sukses, si në tregun vendas ashtu edhe në tregun ndërkombëtar duke krijuar dhjetëra vende të reja pune, por njëkohësisht duke rritur potencialet eksportuese të Shqipërisë.

24 Feb Ilir Meta LRI, alternativë e të rinjve shqiptarë, përfaqësim në Kuvendin e ardhshëm

Lëvizja Socialiste për Integrim ka organizuar sot një takim me qindra të rinj të Lëvizjes Rinore për Integrim në qytetin e Lushnjes. I pranishëm në këtë takim ishte dhe kryetari i LSI-së, Ilir Meta, i shoqëruar nga Sekretari i Përgjithshëm i LSI-së, Luan Rama, Sekretari për Çështjet Ligjore, Spartak Braho, si dhe Prefekti i Qarkut Fier, Robert Bitri. Në fjalën e tij Lideri i LSI-së, Ilir Meta, duke falënderuar të gjithë të ekipin drejtues për punën shumë të mirë të bërë deklaroi se LRI është alternativa kryesore e rinisë në Lushnje.  “Jam vërtetë i lumtur të jem sot këtu në këtë ambient ky kam qenë shumë herë gjatë këtyre 20 viteve por që asnjëherë nuk ka qenë më i bukur, më i ngrohtë, më entuziast dhe më domethënës sesa sot. Ndaj unë dua të përshëndes të gjithë ekipin drejtues të LRI-së në qytetin e Lushnjes për punën e shkëlqyer që ju keni bërë duke e kthyer LRI-në në forcën kryesore, në alternativën kryesore të rinisë së Lushnjes.

20 Feb Ilir Meta: Grante dhe rimbursim automatik i TVSH-se për stimulimin e eksporteve “Made in Albania”

Kryetari i Lëvizjes Socialiste për Integrim, Ilir Meta, vizitoi sot një kompani mjaft të suksesshme të produkteve të përpunuara të peshkut, prodhime këto që eksportohen në tregjet e huaja, sidomos në ato evropiane. I shoqëruar nga Nënkryetari i Lëvizjes Socialiste për Integrim, Ylli Manjani, dhe nga anëtarja e Kryesisë, Nora Malaj, Z. Meta ka vizituar kompaninë “Mare Adriatic” në Vaun e Dejës në Shkodër, në të cilën punojnë rreth 100 punonjës dhe që prodhon konserva peshku për eksport.

Në një prononcim për mediat e pranishme Lideri i LSI-së duke shprehur kënaqësinë për këtë vizitë në një kompani të tillë kaq të suksesshme deklaroi se ky biznes jo vetëm afirmon markën shqiptare në tregjet ndërkombëtare por edhe jep një mesazh të të perspektivës së industrisë së përpunimit të peshkut në vendin tonë, e cila sipas z. Meta do të jetë më e suksesshme në bazë të politikave edhe më nxitëse për eksportet dhe njëkohësisht edhe përmes stimulimit të sektorit të peshkimit në vendin tonë, i cili ka nevojë për një mbështetje më të madhe në mënyrë që ët rinovohet flota e peshkimit dhe të krijohen mundësitë për të siguruar lëndën e parë në vend.

18 Feb Ilir Meta: Patriotizmi i vërtetë shqiptar, integrimi evropian i Shqipërisë

U zhvillua sot në Pallatin e Sportit në qytetin e Elbasanit një takim madhështor i anëtarëve dhe simpatizantëve të LSI-së nga i gjithë qarku. I pranishëm në këtë aktiv ishte edhe kryetari i Lëvizjes Socialiste për Integrim, Ilir Meta, i shoqëruar nga i Sekretari Politik i LSI-së në Qarkun Elbasan, Edmond Haxhinasto, si dhe nga personalitet më të larta të LSI-së. Në fjalën e tij Lideri i LSI-së falënderoi të gjithë drejtuesit e LSI-së në Elbasan për punën shumë të mirë të bërë dëri më tani. Sipas tij aktivi i LSI-së në Elbasan është një manifestim rritjeje, fuqizimi dhe besimi në suksesin e LSI-së më 23 qershor në Elbasan por edhe në të gjithë Shqipërinë.

17 Feb Ilir Meta: LSI përshëndet qytetarët e Kosovës me rastin e 5 vjetorit të pavarësisë

Në emër të Lëvizjes Socialiste për Integrim, dëshiroj të shpreh përshëndetjet më të ngrohta për të gjithë qytetarët e Republikës së Kosovës, me rastin e 5 vjetorit të pavarësisë.
Bashkë me të gjithë shqiptarët kudo që gjenden, sot festojmë një Kosovë të pavarur, një Kosovë të njohur prej 98 shtetesh, një Kosovë më të konsoliduar me institucioneve demokratike, me një shtet që forcohet nga viti në vit, një Kosovë që garanton të drejtat e të gjitha pakicave, një Kosovë konstruktive në rajon, dhe mbi të gjitha një Kosovë me një shoqëri të lirë, multi-etnike dhe evropiane.