Author: Partia Lirise

01 May Ilir Meta uron Kryeministrin e ri të Italisë, z. Enrico Letta

Kryetari i Lëvizjes Socialiste për Integrim, z. Ilir Meta i dërgoi sot një letër urimi Kryeministrit të ri të Italisë, z. Enrico Letta, për marrjen e detyrës së re dhe për formimin e qeverisë italiane.

"Emërimi juaj është dëshmi e përgjegjësive të mëdha që ju janë besuar nga forcat politike, ndërkohë që votëbesimi i parlamentit na jep shpresë se do të keni mundësi të përballeni me sfidat madhore që keni përpara, jo vetëm në të mirë të Italisë, por për mirëqenien e të gjithë Evropës", u shpreh z. Meta.

30 Apr Meta: E kemi të pamundur ta mundim Berishën këtu në Vlorë 8 me 2, sepse janë 12 mandate, por ju jap fjalën se do ta mundim 9 me 3

Kryetari i Lëvizjes Socialiste për Integrim, z. Ilir Meta, i shoqëruar nga kryetarja e Lëvizjes së Gruas për Integrim, Klajda Gjosha ishte i pranishëm ditën e sotme në Aktivin e Lëvizjes Socialiste për Integrim të Qarkut të Vlorës. Të pranishëm gjithashtu në këtë takim entuziast të zhvilluar në Pallatin e Sportit të këtij qyteti, i mbushur me qindra mbështetës dhe aktivistë të kësaj partie, ishin edhe zv/kryetari i LSI-së, z. Petrit Vasili si dhe anëtari i Kryesisë së LSI-së, z. Spartak Braho. Gjatë fjalës së tij në këtë takim, lideri i Lëvizjes Socialiste për Integrim, z. Meta deklaroi se pas 24 qershorit askush nuk do mund ta anashkalojë më këtë qytet ku lindi shteti shqiptar. Sipas tij, qytetarët e Vlorës meritojnë dhe duan që Shqipëria të zhvillohet ekonomikisht e të integrohet në BE, por siç tha ai vendi është sot në udhëkryq dhe integrimi mbahet peng nga politika konfliktuale. Kreu i LSI-së deklaroi gjithashtu se, Shqipëria ka nevojë për një alternativë që kujdeset për njerëzit, një projekt dhe plan konkret për ekonominë dhe punësimin, për bujqësinë e fermerët. Z. Meta shprehu edhe njëherë vendosmërinë për të qëndruar larg politikës konfliktuale, që mban peng mirëqenien e shqiptarëve dhe integrimin në BE, teksa tha e vendi ka nevojë për pjekuri politike pasi Shqipëria është i vetmi vend në NATO që zhvillon zgjedhje që në fund kontestohen. Nga qyteti i Vlorës, kreu i LSI-së siguroi kryeministrin Berisha që opozita jo vetëm që nuk do ti bojkotojë zgjedhjet e 23 qershorit, por u shpreh i sigurt për fitoren e koalicionit të majtë.

28 Apr Ilir Meta: Berisha u përpoq të paraqitej si xhentëlmen, por nuk duroi dot pas disa ditësh dhe ra viktimë e pasionit të tij për pushtetin e pakufizuar

Kryetari i Lëvizjes Socialiste për Integrim, Ilir Meta, i shoqëruar nga deputeti i LSI-së për Qarkun Gjirokastër, Vangjel Tavo, si dhe nga Sekretari Politik i LSI-së për Qarkun Koracë, Piro Kapurani, ka zhvilluar sot një takim entuziast me qindra emigrantë shqiptarë që jetojnë dhe punojnë në kryeqytetin e Greqisë, në Athinë. Të pranishëm në këtë takim kanë qenë gjithashtu edhe drejtuesit e dregës së LSI-së së Athinës të cilët përshëndetën me fjalën e tyre. Në fjalën e tij Lideri i LSI-së, Ilir Meta, shpalosi programin e LSI-së për emigrantët dhe për zhvillimin tërësor të Shqipërisë. Z. Meta i bëri thirrje emigrantëve shqiptarë që të marrin pjesë në votimet e 23 qershorit dhe të votojnë LSI-së pas sipas tij LSI do të jetë garancia që Shqipëria të ecë në rrugën e stabilitetit, të ndryshimit dhe të integrimit pas 23 qershorit dhe garancia më e mirë për të ecur më shpejt. Kryetari i Lëvizjes Socialiste për Integrim, Ilir Meta, tha se fitorja e LSI-së dhe “Aleancës për Shqipërinë Evropiane” jo vetëm do të garantojë rrotacionin e domosdoshëm të pushtetit dhe balancimin e pushteteve në vend, por do të çlirojë edhe potencialet ekonomike duke krijuar vende të sigurta pune”.

28 Apr Monika Kryemadhi : Të ecim më shpejt për një jetë më të mirë për të gjithë shqiptarët

Anëtarja e Kryesisë së Lëvizjes Socialiste për Integrim, Monika Kryemadhi, e shoqëruar nga Nënkryetari i LSI-së, Ylli Manjani, ka marrë pjesë sot në Aktivin  e Lëvizjes Rinore për Integrim në Rrethin e Matit, një takim entuziast ku merrnin pjesë qindra të rinj.

Në fjalën e saj znj. Kryemadhi deklaroi se të gjithë më 23 qershor duhet të votojnë LSI-së sepse kjo votë është një kontribut për të ecur më shpejt drejt një jetë më të mirë për të gjithë shqiptarët. Duke vlerësuar kandidatin për deputet të LSI-së në Qarkun e Dibrës, Përparim Spahiu, znj Kryemadhi tha se matjanët dhe dibranët kanë nevojë për një njeri që të ngrejë gjithmonë zërin për problemet e përditshme të tyre.  “Për ne në Tiranë është shumë e thjesht të bësh politike për ta bësh këtë në vende si Burreli, Peshkopia, Bulqiza apo edhe nëpër komuna është shumë e vështirë për shumë arsye, për vetë situatën, për vetë ambientin, për vetë agresivitetin e politikës. Mendjeshkurtësia e disa njerëzve që mendojnë që pushtetin e kanë të përjetshëm bën që për ju të jetë shumë e vështirë dhe unë për këtë dua t’ju falënderoj të gjithëve nga zemra sepse ju jeni heronjtë e Lëvizjes Socialiste për  Integrim.

25 Apr Ilir Meta: Askush nuk e ndal dot rotacionin

Kryetari i Lëvizjes Socialiste për Integrim, Ilir Meta, ka zhvilluar ditën e sotme një takim me Komitetin Drejtues të LSI-së në qytetin e Kavajës. Qëllimi i këtij takimi ka qenë diskutimi për përgatitjen e LSI-së së Kavajës për zgjedhjet e 23 qershorit.

Në fjalën e tij Lideri i Lëvizjes Socialiste për Integrim, Ilir Meta, duke i falënderuar të gjithë të pranishmit angazhimin dhe kontributin e dhënë për një sukses të jashtëzakonshëm anë zgjedhjet e ardhshme tha se tashmë mbeten edhe 60 ditë për ndryshimin e madh që pret vendi.

23 Apr LSI në Konferencën e Ballkanit të Partisë së Socialisteve Evropianë në Budva

U mbyll sot ne Budva, Konferenca e Ballkanit organizuar nga Partia e Socialisteve Evropiane nen moton "Qeverite dhe partite progresiste ne Ballkanin Perendimor - Premtim per shoqeri me te drejta dhe integrim evropian". Konferenca u hap te henen ne Shkoder, ku u nenshkrua edhe marreveshja e bashkepunimit parazgjedhor mes Partise Socialiste dhe Levizjes Socialiste per Integrim. 

Ne diten e dyte te Konferences, LSI u perfaqesua nga Sekretari Nderkombetar Ralf Gjoni, i cili mori pjese edhe ne darken e punes se drejtuesve te partive social-demokrate te rajonit. 

22 Apr Ilir Meta: Bashkimi i së Majtës Shqiptare në Funksion të Integrimit Evropian të Shqipërisë

Kryetari i Lëvizjes Socialiste për Integrim, Ilir Meta, dhe ai i Partisë Socialiste, Edi Rama, nënshkruan në Shkodër marrëveshjen e koalicionit për zgjedhjet e 23 qershorit 2013. Marrëveshja u firmos me pjesëmarrjen e përfaqësuesve të lartë të së majtës së evropiane. Marrëveshja LSI-PS është në kuadër të së majtës së bashkuar në koalicionin "Aleanca për Shqipërinë Europiane". Firmosja e marrëveshjes u bë pas Konferencë për Ballkanin së Partive Socialiste Europiane. Në këtë konferencë u diskutuan problemet më të mprehta që shqetësojnë Europën e në veçanti, rajonin e Ballkanit, ku mjaft çështje, me karakter etnik kryesisht, janë mbyllur me mundim. Ata kanë nxitur nevojën e pajtimit atje ku ka pasur urrejtje, nevojën e bashkëpunimit atje ku ka pasur përçarje, nevojën e afrimit atje ku ka pasur ndasi. Çështje me shumë rëndësi është konsideruar përfshirja edhe e vendeve si Shqipëria në BE. Në fjalën e tij kryetai i Lëvizjes Socialiste për Integrim, Ilir Meta, deklaroi se bashkimi i të majtës shqiptare dhe i gjithë forcave progresiste, përmes kësaj marrëveshjeje, është një aksion politik historik, i domosdoshëm, që bashkon vullnetin dhe dëshirën e qytetarëve shqiptarë për një ndryshim substancial në jetën politike, ekonomike dhe shoqërore të vendit.

20 Apr Meta: Opozita jo vetëm që nuk ka ndërmend që t’i bojkotojë zgjedhjet, përkundrazi opozita kërkon t’i afrojë zgjedhjet

Kryetari i Lëvizjes Socialiste për Integrim, Ilir Meta, zhvilloi sot një takim më strukturat e LSI-së së Qarkut Lezhë. Ky takim në të cilin Lideri i LSI-së ishte i shoqëruar nga kryetari i LSI-së së Lezhës, njëherazi kryetari i baskisë, Viktor Tushaj, ishte i pari pas vendimit të LSI-së për koalicion me Partinë Socialiste dhe shënoi hapjen e fushatës elektorale për zgjedhjet e 23 qershorit në këtë qark. Në fjalën e tij z. Meta i falënderoi të gjithë të pranishmit për solidaritetin dhe mbështetjen lidhur me vendimin e LSI-së për koalicion me PS-në dhe opozitën e bashkuar.

20 Apr Ilir Meta pershendet arritjen e Marreveshjes historike midis Kosoves dhe Serbise

Kreu i Levizjes Socialiste per Integrim z. Ilir Meta pershendeti sot arritjen e marreveshjes midis Kosoves dhe Serbise duke e cilesuar ate si nje hap te permasave historike mes dy vendeve.

Z. IlirMeta tha: "Ne emer te Levizjes Socialiste per Integrim, deshiroj te shpreh vleresimin tone per marreveshjen e pare mes Kosoves dhe Serbise, te cilen e cilesoj si nje hap historik.

Ka qene nje rruge e dhimbshme e plot sfida per te dy palet, por koha tregoi se permes vullnetit pozitiv, vizionit per te ardhmen dhe kurajos se jashtezakonshme qe kane treguar drejtuesit e te dy vendeve, e kaluara mund te lihet pas dhe perspektiva e te ardhmes mund te fitoje. Sot eshte e qarte se bashkepunimi me paleve dhe perspektiva e integrimit evropian, prodhojne rezultate konkrete qe prekin jeten e qytetarevene rajonin tone.

19 Apr Ralf Gjoni: Podesta manipuloi qellimisht deklaraten e zyrtarit te dept te shtetit J. Moore

Në emër të Lëvizjes Socialiste për Integrim dua të shpreh shqetësimin tonë të jashtëzakonshëm për lajmin e bërë të ditur nga mediat mbrëmë rreth manipulimit të deklaratës zyrtare të Drejtorit për Çështjet e Evropës Jug-Qendrore në Departamentin e Shtetit, Jonathan Moore, si dhe keqinformimit të bërë nga Kompania e Lobimit “Podesta Group”, e kontraktuar nga qeveria e Republikës së Shqipërisë me paratë e taksapaguesve shqiptarë.

Deklarata zyrtare në faqe e ambasadës amerikane dhe që të gjitha mediat e kanë bërë publike për të gjithë qytetarët shqiptarë thotë: Siç Ambasada jonë e ka bërë të qartë, pavarësisht se jemi njohur me disa shqetësime rreth balancës politike pas formimit të koalicionit paraelektoral, ne besojmë se ekzistojnë argumente të fortë ligjorë që vënë në pikëpyetje mënyrën si votoi Parlamenti më 15 Prill.