Author: Partia Lirise

02 Mar Në Kongresin e Evropianeve Socialistë në Romë, LSI përfaqësohet nga Sekretari Ndërkombëtar Ralf Gjoni

Kongresi i PES në Romë konfirmon kandidaturën e Martin Schulz për President të Komisionit Evropian.

Partia e Evropianëve Socialistë (PES) mblodhi këtë fundjavë Kongresin Elektoral në Romë, me pjesëmarrjen e liderëve të majtë dhe përfaqësuesve të partive social-demokrate evropiane, midis të cileve ishin Kryeministri i ri i Italise Matteo Renzi, Kryeministri i Francës Jean Marc Ayrault, Kancelari i Austrisë Werner Faymann, Kryeministri i Shqiperisë Edi Rama, Ministri i Jashtëm i Gjermanisë Sigmar Gabriel, Zv. Kryeministri dhe Ministri i Jashtëm i Greqisë Evangelos Venizelos, si dhe kryetarë e përfaqësues të tjerë të partive social-demokrate nga e gjithë Evropa.

02 Mar Grupi Parlamentar i LSI-së në qytetin e Vlorës, vijon turin e diskutimeve me biznese fasone për paketën integruese për këtë biznes

"Janë të qarta një pjesë e mirë e zgjidhjeve, qoftë në nivelin e ndryshimit të legjislacionit por edhe në mjaft zgjidhje të tjera të cilat janë të karakterit administrativ, doganor, të mënyrës së trajnimit të personelit etj"

Grupi Parlamentar i Lëvizjes Socialiste për Integrim, nën drejtimin e kryetarit Petrit Vasili, ka vijuar turin e takimeve konsultative nëpër rrethe të ndryshme të vendit me përfaqësues të biznesit fason për të diskutuar përmbajtjen e paketës së integruar për këtë biznes, paketë e cila është propozuar nga LSI për mbrojtjen e këtij biznesi dhe krijimin e lehtësirave të domosdoshme për të.

26 Feb Petrit Vasili: Paketa integruese duhet të garantojë kërkesat emergjente të biznesit fason

Grupi Parlamentar i LSI-së në Lushnjë dhe Fier, vijon turin e diskutimeve me biznese fasone për paketën e integrues për këtë biznes

"Biznesi fason gjeneron punësim masiv por edhe përbën 30% të eksporteve shqiptare me një vlerë prej 500 milionë eurosh"

Grupi Parlamentar i Lëvizjes Socialiste për Integrim, nën drejtimin e kryetarit Petrit Vasili, ka vijuar turin e takimeve konsultative nëpër rrethe të ndryshme të vendit me përfaqësues të biznesit fason për të diskutuar përmbajtjen e paketës së integruar për këtë biznes, paketë e cila është propozuar nga LSI për mbrojtjen e këtij biznesi dhe krijimin e lehtësirave të domosdoshme për të.

25 Feb Mehmetaj: Nisma, nevojë imediate për ti vënë një ‘notë’ maturës shtetërore në vend

Reforma në maturën shtetërore, deputetët e LSI-së bashkëbisedim me maturantët e Beratit

Problematikat e maturës shtetërore ishin në qendër të diskutimeve gjatë takimit mes maturantëve beratas dhe deputetëve të LSI-së, Kejdi Mehmetaj, Gledion Rehovica dhe Silva Caka.

Deputetja Mehmeti, e cila disa javë më parë ka ngritur shqetësimet për maturën shtetërore në një nga seancat parlamentare, ka folur për rëndësinë që kanë ndryshimet rrënjësore në maturën shtetërore.

"Duke qenë se politika shqiptare merret me probleme më madhore, ndër vite nuk i është kushtuar rëndësia e duhur çështjes së maturantëve dhe kjo ka bërë që sistemi aktual të prodhojë një brez që nuk do jetë në gjendje të drejtojë veten e aq më tepër vendin në të ardhmen", tha Mehmetaj.

22 Feb Petrit Vasili: Mbrojtja e biznesit fason garanton 100 mijë vende pune

"Paketa integruese duhet të vijë sa më parë në Parlament. Fasonistët janë biznes social. Do të kenë përkrhaje të plotë"

Grupi Parlamentar i Lëvizjes Socialiste për Integrim, nën drejtimin e kryetarit Petrit Vasili, ka vijuar turin e takimeve konsultative nëpër qarqe me përfaqësues të biznesit fason për të diskutuar përmbajtjen e paketës së integruar për këtë biznes, paketë e cila është propozuar nga LSI për mbrojtjen e këtij biznesi dhe krijimin e lehtësirave të domosdoshme për të.

Pas takimit të zhvilluar në Berat deputetët e LSI-së kanë qenë sot në qytetin e Shkodrës ku kanë parë nga afër situatën në fabrikën e prodhimit të këpucëve "Bertoni" si dhe në atë të prodhimit të veshjeve "Melgushi", biznese këto që punësojnë më shumë se 1500 punëtorë, pjesa dërrmuese e së cilëve janë gra dhe vajza.

Përveç z. Vasili të pranishëm nga deputetët e LSI-së ishin deputeti i Shkodrës, Agron Çela, deputetët e Elbasanit Bujar Kllogjeri, Miranda Rira dhe Luan Duzha, ai i Beratit, Gledion Rehovica, deputeti i Fierit, Robert Bitri, si dhe deputeti i Qarkut Dibër Përparim Spahiu.

21 Feb Kryetari i Kuvendit z. Ilir Meta priti Zv. Kryeministrin dhe Ministrin e Punëve të Jashtme të Greqisë z. Evangelos Venizelos

Kryetari i Kuvendit z. Ilir Meta priti sot në Kuvend Zv. Kryeministrin dhe Ministrin e Punëve të Jashtme të Greqisë z. Evangelos Venizelos, në kuadër të Presidencës Greke të Këshillit të Bashkimit Evropian.

Kryetari i Kuvendit z. Meta vlerësoi angazhimin e Greqisë në funksion të perspektivës evropiane të Shqipërisë dhe theksoi se Shqipëria mbështetet tek Greqia dhe pesha e saj gjatë Presidencës së Këshillit të BE-së për të avancuar me përmbushjen e prioriteteve të Komisionit Evropian.

30 Sep Kryetari i Kuvendit z. Ilir Meta priti Ambasadorin e Vendeve të Ulëta z. Martin De La Beij

Kryetari i Kuvendit z. Ilir Meta priti sot Ambasadorin e Mbretërisë së Vendeve të Ulëta në Shqipëri z. Martin de la Bej.

Z. Meta shprehu angazhimin e tij për të intensifikuar shkëmbimet parlamentare mes dy vendeve, duke theksuar se Vendet e Ulëta përfaqësojnë një vend prioritar për Shqipërinë, jo vetëm në planin dypalësh, por edhe në Bashkimin Evropian.

Ambasadori De La Beij e uroi z. Meta me rastin e marrjes së detyrës së Kryetarit të Kuvendit dhe e siguroi atë për gatishmërinë e vendit të tij për të forcuar marrëdhëniet dypalëshe në nivel parlamentar duke nënvizuar se do të punohet në drejtim të inkurajimit të vëmendjes parlamentare hollandeze në drejtim të Shqipërisë.

Duke biseduar mbi zhvillimet politike në vend, Kryetari i Kuvendit Meta theksoi rëndësinë e bashkëpunimit midis forcave të ndryshme parlamentare në interes të integrimit evropian të Shqipërisë dhe konsolidimit të institucionit të Kuvendit.

30 Sep Ralf Gjoni: LSI forcon lidhjet me Partinë Laburiste Britanike

Sekretari Ndërkombëtar i Lëvizjes Socialiste për Integrim Ralf Gjoni mori pjesë këtë javë në Konferencën vjetore të Partisë Laburiste Britanike që u zhvillua në Brighton.
Mbi 10,000 delegatë nga Britania e Madhe dhe përfaqësues nga partitë motra në botë morën pjesë në këtë Konferencë vjetore, në të cilat u shtruan tezat themeltare ideologjike mbi të cilat do të mbështetet fushata zgjedhore e laburistëve në 2015.

Ralf Gjoni si përfaqësues i LSI në këtë event, zhvilloi edhe disa takime me krerë të lartë të Laburistëve, veçanërisht me ekipin në hije të politikës së jashtme të partisë. Gjoni u takua me Douglas Alexander, Ministër i Jashtëm në Hije, Emma Reynolds, Ministre për Evropën në Hije, Jim Murphy, Ministër i Mbrojtjes në Hije si dhe me ekipin e sekretariatit ndërkombëtar. Gjithashtu Sekretari Ndërkombëtar i LSI u takua edhe me Kryetarin e Partisë Laburiste Ed Miliband dhe me Nën-Kryetaren Harriet Harman gjatë punimeve të kësaj konference.

26 Sep Intervista e Kryetarit të Kuvendit, z. Ilir Meta dhënë për emisionin “Zona e Debatit” të Baton Haxhiu në televizionin “Klan Kosova”

Jemi në zyrën e kryetarit të Kuvendit, z. Ilir Meta. Është një zyrë ku deri pak ditë më parë qëndronte femra e parë në legjislaturat shqiptare si drejtuese e Kuvendit, znj. Jozefina Topalli. Përballë meje qëndron figura e Ismaili Qemalit, ndërsa në krah një pikturë e njohur dhe shumë e dashur për shqiptarët e Kosovës. Por përballë meje qëndron tashmë Kryetari i ri i Kuvendit, z. Ilir Meta.

Z. Ilir Meta, mirëserdhët në studion e “Zonës së Debatit” të Klan Kosova. 

Mirëserdhët edhe ju në zyrën e Kryetarit të Kuvendit, mirëserdhi edhe Klan Kosova. Ju falënderoj që më jepni mundësi të komunikoj nëpërmjet jush dhe televizionit tuaj me të gjithë ndjekësit tuaj në Kosovë dhe me këtë rast dua t’i përshëndes të gjithë.

18 Sep Kryetari i Kuvendit z. Ilir Meta priti Përfaqësuesen e OSBE-së për Lirinë e Medias znj. Dunja Mijatovic

Kryetari i Kuvendit z. Ilir Meta priti sot Përfaqësuesen e OSBE-së për Lirinë e Medias znj. Dunja Mijatovic.

Përfaqësuesja e OSBE-së Mijatovic e uroi Kryetarin e Kuvendit Meta për marrjen e detyrës së re dhe shprehu gatishmërinë e OSBE-së për të forcuar asistencën që Zyra e Lirisë së Medias u jep institucioneve të Republikës së Shqipërisë. “Vlerësojmë politikën e dyerve të hapura të institucioneve shqiptare dhe kemi shpresa të mëdha në punën e qeverisë së re” – u shpreh Znj. Mijatovic.