Ilir Meta: Pas 30 vjetësh garoj për postin e Presidentit

Konferenca për shtyp e Kryetarit të LSI-së Ilir Meta me Senatorin Alberto Filippi Zv. president i Komisionit të Jashtëm në Senatin italian. 

Ilir Meta: Është kënaqësi që të jem këtu para jush pas një takimi me Senatorin Alberto Filippi Zv. president i Komisionit të Jashtëm në Senatin italian. Me këtë rast falënderoj Senatorin Filippi për këtë bashkëpunim të vazhdueshëm që kemi me të prej një kohe të gjatë për kontributin që ai jep edhe në Komisionin e Politikës së Jashtme në Senatin italian për forcimin e marrëdhënieve midis Shqipërisë dhe Italisë për mbështetjes që ka dhënë edhe në politikën italiane për liberalizimin e vizave për Shqipërinë për interesin që tregon për komunitetin shqiptar në Itali dhe në veçanti në rajonin nga i cili ai vjen për kontributin që jep për forcimin e marrëdhënieve midis rajoneve apo bashkive të Shqipërisë. Konkretisht ai është këtu me ftesë të kryetarit të Bashkisë së Lezhës z. Viktor Tushaj. Kemi diskutuar edhe për objektivat kryesore që ka Shqipëria për të marrë statusin e Vendit Kandidat brenda këtij viti dhe natyrisht ka konfirmuar mbështetjen e fortë të Italisë për këtë hap tjetër përpara që duhet të bëjë Shqipëria dhe që shpresojmë të ecim në drejtimin e duhur. 

Faleminderit kryetar! Mbi të gjitha dua të falënderoj kryetarin e Bashkisë së Lezhës Viktor Tushaj dhe një falënderim edhe për kryetarin Meta. Është hera e katërt që unë vij në Shqipëri. Tashmë ndihem si në shtëpinë time. Në Shqipëri tashmë kam një miqësi shumë të madhe po shikoj profesionalizëm shumë të madh dhe kapacitet të madh për ta interpretuar politikën në nivel ndërkombëtar. Herën e parë kur isha në Shqipëri pata nderin të njihja kryetarin Meta në cilësinë e Ministrit të Punëve të Jashtme dhe pikërisht në atë moment filloi një bashkëpunim i rëndësishëm në nivel institucional midis Ministrisë tuaj të Jashtme përveç ministrit të atëhershëm italian të Punëve të Jashtme Frattini edhe me Komisionin e Jashtëm në Senatin italian. Për këtë arsye dua të kujtoj edhe një vizitë institucionale në Romë pikërisht në Komisionin e Jashtëm në Senat të një delegacioni tuaj. Kjo eventualisht ka sjellë rezultate konkrete dhe të rëndësishme si liberalizimi i vizave. Ky liberalizim në fillim shikohej edhe me disa mëdyshje. Megjithatë sot zbuluam se kjo ishte një betejë e fituar në mënyrë të favorshme dhe me bindje sepse Shqipëria ka treguar një maturi dhe profesionalizëm shumë të madh në këtë aspekt. Kështu që mirë se të vijnë hapa të tjerë drejt bashkëpunimit të vendeve tona bashkëpunim që në mënyrë të dukshme gjen si në nivel institucional por jo vetëm ura lidhëse midis Italisë dhe Shqipërisë të bërë nga marrëdhënie midis institucioneve tuaja por edhe mes sipërmarrësve tanë dhe drejtuesve të institucioneve tuaja. Kështu që unë përpiqem pikërisht të bëj këtë ura lidhëse midis sipërmarrësve të mi sipërmarrësve të veri-lindjes dhe institucioneve tuaja. Për këtë dua t’i jap komplimentet e mija kryetarit të Bashkisë së Lezhës i cili me shumë vazhdimësi mban marrëdhëniet edhe personalisht midis territorit tim dhe territorit që ai drejton. Dua të kujtoj edhe një qëndrim që vjen nga ana ime personale por edhe nga shumica e ndjeshme e institucioneve të vendit tim dhe nga popullata italiane. 

Qëndrimi që në këtë vit të mund të marrë statusin e Vendit Kandidat për në Bashkimin Europian. Ky është një qëndrim që në mënyrë të dukshme edhe Bashkimi Europian ka dhe që të vijë sa më parë një reformë zgjedhore. Ajo që unë dua të dëshmoj është se si shumë nga qytetarët shqiptarë që jetojnë e punojnë sidomos në veri-lindje të Italisë ka arritur të integrohet në mënyrë të jashtëzakonshme. Shumë nga problemet dhe shqetësimet e së kaluarës sot janë të kaluara dhe sot ka një integrim të shqiptarëve në Itali në 100% të rasteve. Unë vij gjithmonë me shumë kënaqësi këtu sepse ndihem gjithmonë si në shtëpinë time. Ndihem si në shtëpinë time sepse flas dhe kuptohem nga italishtja me shumë thjeshtësi dhe pastaj duke bërë shaka them gjithmonë se kur vij pijë një kafe dhe zbuloj gjithmonë se është një kafe shumë e mirë. Për ne italianët të kuptohemi kur flasim gjuhën tonë dhe të pimë një kafe të mirë do të thotë që jemi në shtëpi. 

E thashë duke bërë shaka por në fund të fundit kjo nuk është një shaka por është një dëshmi e qartë se si Italia dhe Shqipëria duke ecur dorë më dorë me njëra-tjetrën së bashku mund të përshkojnë një rrugë të gjatë dhe të rëndësishme plot zhvillim dhe plot mundësi si për Italinë ashtu edhe për Shqipërinë. Dua të kujtoj që rritja që vendi im ka pasur është edhe në sajë të shumë punëtorëve shqiptarë të cilët janë integruar shumë mirë dhe kanë ditur shumë mirë të përçojnë vlerat dhe principet e vendit të tyre në vendim tim. Kështu që dhe një herë një falënderim të gjithëve faleminderit kryetarit të Bashkisë së Lezhës dhe një falënderim shumë të madh kryetarit Meta të cili i uroj që të vazhdojë në këtë rrugë sepse rruga e integrimeve midis dy vendeve është ajo që me siguri do të sjellë mirëqenie për të dyja palët.

 

&nbs
p;