Edmond Panariti inspekton rrugët e Njësisë nr.1 në Tiranë

Kryetari i Komitetit Drejtues Kombëtar (KDK) Prof. Dr. Edmond Panariti në vazhdën e takimeve paraelektorale ka inspektuar sot rrugët e prishura në Njësinë nr. 1 në Tiranë.  Duke bashkëbiseduar me qytetarët e zonës z. Panariti është ndalur në rrugën “Sadik Petrela” ku  është njohur nga afër me problematikat që shoqërojnë jetën e këtyre banorëve.

Qëllimi i këtyre takimeve në zona të ndryshme të Kryeqytetit sipas z. Panariti ka si qëllim hartimin e planit të LSI-së për rregullimin e infrastrukturës së Kryeqytetit.

Duke dëgjuar me vëmendje shqetësimet e banorëve të zonës z. Panariti shprehu angazhimin e  LSI-së për zgjidhjen e këtyre problemeve që janë tepër shqetësuese për komunitetin e kësaj zone.

Në këtë linjë z. Panariti tha se- gjendja e kësaj rruge është vërtetë për të ardhur keq sepse nuk kërkohet investime të mëdha por kërkohet vetëm një angazhim më serioz nga Bashkia e Tiranës për të siste gjendja është rënduar" pohoi Panariti.

Sipas tij Rama  ka 10 vjet që drejton Kryeqytetin e Shqipërisë dhe nuk ka sjellë asgjë të re përkundrazi ka përkeqësuar jetën e qytetarëve s'ka sipërfaqe të gjelbëruara dhe ka ndotje të madhe mjedisi” tha Panariti.

Këto pamje me të cilët banorët e Kryeqytetit ndeshen sot dita-ditës janë të denja për një vend të botës së tretë dhe jo për një vend që aspiron të integrohet në Bashkimin Europian nënvizoi ai.

Duke vlerësuar angazhimin e treguar nga LSI-ja qytetarët u shprehën se kjo rrugë është kthyer për ta në një shqetësim dhe makth të përditshëm. Ata kanë pohuar se është bërë thuajse e pakalueshme edhe nga këmbësorët. "Kemi frikë të nxjerrim fëmijët në rrugë apo t'i dërgojmë vetëm në shkollë sidomos në ditët me shi. 

Kjo rrugë është bërë e pakalueshme për ne dhe të mos flasim pastaj për kalimin e makinave gjë e cila është e pamundur" shprehen banorët. 

Sipas tyre ndërhyrja e fundit për rregullimin e këtij aksi është bërë vetëm dy vjet më parë dhe sot ajo është krejtësisht jashtë funksionit. Ata habiten me faktin se si një rrugë e rregulluar jo shumë kohë më parë të jetë në gjendje skandaloze. Kjo dëshmon më së miri punën skandaloze dhe pa cilësi të bërë nga minibashkia nr.1.