16 Feb Deklaratë nga Erisa XHIXHO
Deklaratë nga Erisa XHIXHO Nënkryetare e LSI
Deklaratë :Erisa XHIXHO
Nënkryetare e LSI
Jam sot këtu përpara jush për t’ju informuar mbi ecurinë e pregatitjeve të Lëvizjes Socialiste për Integrim mbi arritjen e objektivave primare për zgjedhjet e 8 Majit të cilat duhet të kenë në fokus qendror interesat e qytetarëve.
Zgjedhjet e 8 Majit janë mbi të gjitha zgjedhje për qytetarët.
Janë zgjedhje ku duhen paraqitur alternativa të vërteta zhvillimi mbi problematikën e çdo komuniteti. Prandaj përfaqësuesit e Lëvizjes Socialiste për Integrim prej disa kohësh si edhe në ditët në vijim kanë filluar dhe do të vazhdojnë turin e takimeve me qytetarët në mënyrë të tillë që të dëgjojnë me kujdes çdo problem dhe çdo shqetësim që ata kanë në lidhje me mënyrën se si funksionon sot pushteti vendor për të identifikuar të gjitha ato problematika të cilat u interesojnë qytetarëve shqiptarë.
Kjo do të bëjë të mundur hartimin dhe paraqitjen e një programi i cili do të përfaqësojë më së miri zërin e qytetarëve. Do të përfaqësoj zgjidhjen e problemeve konkrete. Do të përfaqësojë një alternativë nga qytetarët për qytetarët.
Prandaj edhe njëherë i ftojmë partitë politike që në funksion të karakterit dhe konceptit të zgjedhjeve lokale si zgjedhje administrative të ofrojnë zgjidhje për qytetarët dhe jo të krijojnë probleme të reja për vendin.
0x323031312d30332d3132 16:49)