14 Feb Deklarate nga Edmond Haxhinasto
” Deklarate nga Edmond Haxhinasto Sekretar Nderkombetar i LSI Haxhinasto: Pergjegjesia kryesore per kete ngrirje te procesit i mbetet mazhorances. Eshte detyrimi i saj per te siguruar besimin e opozites per nje proces te lire e te ndershem
Ne emer te Levizjes Socialiste per Integrim shpreh shqetesimin e thelle qe procesi i pergatitjes se zgjedhjeve te ardhshme vendore ka ngrire perseri. Fatkeqesisht kjo tashme eshte bere nje shqetesim nderkombetar qe ka sjelle deklarimin dhe angazhimin e partnereve tane me te rendesishem nderkombetare BE dhe SHBA por edhe te organizatave te specializuara nderkombetare.
Nje vleresim i tille jepet edhe ne Raportin e Ndermjetem te OSBE/ODIHR-it mbi pergatitjet zgjedore ne Shqiperi te publikuar dje.
Sic thekson edhe Raporti partite kryesore kane deshtuar ne menyre te vazhdueshme te demonstrojne vullnetin politik dhe pergjegjesite ndaj qytetareve shqiptare per t'i siguruar shprehjen e vullnetit te tyre ne menyre te lire e te ndershme.
Pergjegjesia kryesore per kete ngrirje te procesit i mbetet mazhorances. Eshte detyrimi i saj per te siguruar besimin e opozites per nje proces te lire e te ndershem.
Ceshtja e çertifikatave eshte problemi i fundit qe ka bllokuar procesin. Zgjidhja e ketij problemi tashme eshte sugjeruar nga opozita: regjistrimi i çertifikatave qe do te perdoren per identifikim ne procesin zgjedhor. Propozimi i opozites eshte ne perputhje te plote me Rekomandimin e OSBE/ODIHR-t. ashtu siç shprehet edhe raporti i ndermjetem ne Ceshtjen VIII paragrafi 2.
Vleresojme se rezistenca per zbatimin e ketij rekomandimi nuk perben as qendrim racional as pergjegjesi politike.
Ne emer te LSI deshiroj te shpreh gatishmerine per te perfunduar sa me pare zgjidhjen e ketij problemi dhe per te votuar paketen e ndryshimeve per zgjedhjet. Vonesa e metejshme mund te kompromentonte te gjithe procesin zgjedhor.
0x323030372d30312d3036 12:37)”