19 Mar Ministri i Bujqësisë, Administrimit të Ujërave dhe Zhvillimit Rural, z. Edmond Panariti, takohet me homologun e tij në Katar
Z. Panariti dhe homologu i Katarit biseduan për financimin e ngritjes së serave hidroponike për perime në tokat bujqësore të varfra
Në vijim të vizitës së tij zyrtare në Katar, Ministri i Bujqësisë, Administrimit të Ujërave dhe Zhvillimit Rural, z. Edmond Panariti, u takua me Ministrin e Mjedisit që mbulon edhe sektorin e bujqësisë e ushqimin të Katarit, z. Al Humanidi.
Gjatë bashkëbisedimit, Ministri Panariti i kërkoi homologut të tij mbështetje për pastrimin dhe mirëmbajtjen e kanaleve kullues.
Z. Panariti dhe homologu i Katarit biseduan edhe për financimin e ngritjes së serave hidroponike për perime në tokat bujqësore të varfra.
Ministri Panariti dhe homologu i tij, Al Humanidi shprehën nevojën për intensifikimin marrëdhënieve midis dy vendeve, ndërsa u bisedua për rritjen e investimeve në sektorin e peshkimit.
Ministri Panariti ftoi homologun e Katarit për një vizitë në Shqipëri për finalizimin dhe nënshkrimin e një marrëveshje në këto fusha, ftesë e cila u pranua me kënaqësi nga Ministri i Katarit, Al Humanidi.