21 Jun Intervista e Kryetarit të LSI-së, Ilir Meta, në emisionin “360 gradë”, të gazetarit Artur Zheji
Pse nuk u bë Boshti i Jugut në këto katër vite z. Meta?
Sepse nuk ka pasur një vullnet real për të mbështetur Qarkun e Beratit dhe së dyti dihet që politikat e kësaj qeverie kanë pasur si komponent të tyrin kryesor një eufori dhe një populizëm që e ka bërë të pamundur një menaxhim racional të buxhetit të shtetit. Nuk është se po akuzojmë thjesht se pse nuk u bë Boshti i Jugut sepse është një vepër madhore. Këtu bëhet fjalë që rruga e vjetër Lushnje-Berat është ende në një gjendje të skandaloze. As mbushja e gropave nuk është bërë. Është e pafalshme se si është lënë pas dore në këtë mënyrë Qarku i Beratit. Jo vetëm z. Naço por edhe deputet e tjerë kondicionuan votën e tyre por buxhetit me vendosjen e fondeve për Beratin, të cilat u vendosën por nuk u përdoren.
Pse nuk u përdorën këto fonde?
Sepse ndoshta kanë shkuar për kompaninë “Podesta” për lobim në SHBA, për të thënë atje se heqja e anëtarit të KQZ-së ishte një sukses i madh i demokracisë në Shqipëri.
Z. Meta, si mund ta krahasoni fushatën e vitit 2009 me këtë fushatë të tashme?
Janë dy gjëra të ndryshme për shkak të kohëve të ndryshme, për shkak të raporteve të ndryshme. Kjo fushatë natyrisht që ka vështirësitë dhe sfidat e saj, por në çdo rast Lëvizja Socialiste për Integrim hyn pas dy eksperiencave elektorale të rëndësishme, të 2005-ës dhe të 2009-ës, pa llogaritur këtu zgjedhjet vendore. Dhe ajo që është më e rëndësishmja në raport me dy zgjedhjet e tjera, në këto zgjedhje Lëvizja Socialiste për Integrim është për herë të parë pjesë e gjithë procesit të administrimit zgjedhor. Pra, përfaqësohet në të gjitha komisionet, në të gjitha qendrat e numërimit dhe komisionet zonale të cilat bëjnë shpalljen e rezultateve, që do të thotë se opozita hyn me një besim dhe me një garanci të plotë se vota e tyre është e paprekshme, por unë do të shfrytëzoj këtë pyetje për të dhënë një mesazh shumë më të gjerë, që ne me prezencën tonë do të jemi një garanci për të transparencën dhe integritetin e gjithë procesit zgjedhor dhe jo thjesht për të mbrojtur votën për LSI-në, por votën e çdo qytetari shqiptar ashtu sikurse atyre do tu thotë zemra për ta hedhur në 23 qershor.
Si qëndron e vërteta e deklaratës e z. Tavo për situatën në Gjirokastër ?
E vërteta qëndron që e majta e ka humbur një mandat në vitin 2009 për shkak të këtyre intrigave dhe mendoj se Gjirokastra e ka të qartë.
Kush i gatuan këto intriga z. Meta ?
Të mos hyjmë në detaje. Dua të shpreh bindjen time është që z. Tavo ka mbështetjen e plotë të lidershipit të LSI-së, timen personale si kryetar i Lëvizjes Socialiste për Integrim. Absolutisht ai do të jetë një nga deputetët më të votuar dhe të konfirmuar. Natyrisht është e mira që të gjithë kandidatët për deputetë të të gjithë forcave të koalicionit të bëjnë një fushatë pozitive për veten e tyre, për programin e tyre, për partinë e tyre.
Partia Socialiste e Gjirokastër e di cili është kundërshtari politik apo nuk e ka të qartë?
Këtë gjë nuk mund ta them me bindje të plotë por besoj se të majtët në Gjirokastër e kanë të qartë dhe jam i bindur që do t’i japin gjithë përkrahjen z. Tavo dhe LSI-së.
Z. Meta keni pasur shumë tension, shumë presion, ja vlen politika?
Besoj se çdo profesion ka tension, sfida përkatëse, trazirat përkatëset, por ja vlen kur shikon se gjen mbështetje dhe gjen mbështetje në rritje.
Ministri i Brenshëm, Flamur Noka, ju ka akuzuar se po blini vota në Kukës. Cili është komenti juaj?
Vetëm një ministër i Brendshëm nuk mund të flasë në atë mënyrë. Tregon qartë se sa i rrezikuar është standardi i këtyre zgjedhjeve me këtë formim që ka ky ministër. Ai po e zhyt shumë keq PD-në në Kukës për arsye se qytetarët e këtij qarku e njohin mirë situatën atje. të gjitha këto ëndrra që shikon ministri janë si janë një frikë e madhe nga rezultati zgjedhor që ka ministri. Ai kërkon t’i paraprijë me presione dhe shantazhe të cilat janë të formave të ndryshme, u marrin makinat, ua çojnë në komisariat, u bastisen shtëpitë, pa asnjë lloj shpjegimi. U ndërpresin aktivitetin e tyre në mënyrë të padrejtë. Janë me dhjetëra dhe me qindra forca policie. Ky është një fakt i vërtetë të cilin e njohin edhe partnerët ndërkombëtarët. Kjo nuk e frenon dot angazhimin e LSI-së në Kukës dhe të opozitës për të arritur të gjitha ato objektiva të cilat tashmë janë bërë publike.
Z. Noka kërcënon nga ana tjetër me ligjin
Është një ton dëshpërues sepse LSI e njeh shumë mirë ligjin, por ai që nuk e njeh është ministri në fjalë dhe kjo është një gjuhë e tejkaluar. I takon viteve ’96. dhe Shqipëria sot është një vend i NATO që aspiron BE dhe i ka tejkaluar këto. Absolutisht që qytetarët e Kukësit e kanë marrë vendimin tyre.
Cili është krimi që po ndodh në Kukës?
Krim është përdorimi i policisë, FNSH, SHISH për terror ndaj popullsisë. I bëj thirrje presidentit të Republikës që të tregojë angazhimin dhe përgjegjshmërinë e tij për të garantuar integritetin e këtyre institucioneve të cilat duhet të jenë vetëm në shërbim të ligjit. Të gjitha këto janë presione të dëshpëruara.
Si do reagojë Nishani, se është president dhe në sajë të votës suaj?
Duhet të reagojë si President i Republikës.
Në qarqet të tjera ka situata të tilla analoge?
Kukësi është rasti më ekstrem se këtu nuk vihet në pikëpyetje çështja e një mandati apo një barazimi që pritet të ndodhë në Kukës, por këtu ministri i Brendshëm ndjehet i sfiduar në atë bahçen e vet si e konsideron ai Kukësin, ndërkohë që kuksianet, hasjanët dhe tropojanët nuk mund të jenë pronë të askujt. Ata njerëz krenarë. Dhe sa më shumë t’u bësh presion aq më shumë ndëshkohesh prej tyre. Vendosja e z. Noka ka qenë një nxitim sepse dihet se sa i rëndësishëm është standardi i zgjedhjeve. Roli që ka ministria e Brendshme është i rëndësishëm, por dihet militantizmi ekstrem e tij, dëshira për të treguar një devotshmëri ndaj Doktorit, por dhe gabimet që do bëjë që nuk do ndihmojnë Doktorin, por prapë flamuri do e pësojë. Unë besoj se i prish punë doktorit. Por kjo dëmton edhe imazhin e zgjedhjeve prandaj forma të tilla duhet të mbeten jashtë eksperienca të tilla. Policia duhet të zbatojë ligjin, kandidatët duhet të zbatojnë ligjin, por është turp që të ndalohet djali i kryetarit të Bashkisë së Kukësit, thjesht se babai i tij është pozicionuar me LSI.
A ka pasur ndonjë denoncim tjetër përveç këtij?
Janë bërë sipas ligjit por ne nuk humbasim qetësinë ndaj këtyre veprimeve antiligjore të ministrit. Ka shqetësime, ka tensione por Kukësi po kthehet në një vatër të ndezur dhe pakuptim se njerëzit duhet të shprehin qëndrimin e tyre larg presioneve.
A ka pasur depozitime të një natyre tjetër dhe ndonjë denoncim, përveç këtij denoncimi të hapur që ju po bëni këtu?
Janë marrë të gjitha këto veprimet tona, dhe do të vazhdojmë në mënyrë normale dhe të qetë. Nuk humbasim qetësinë nga këto veprime krejtësisht të nxituara dhe antiligjorë për fat të keq edhe të ministrit edhe të segmenteve të caktuara të policisë së shtetit.
A ka edhe në qarqe të tjera shqetësime të kësaj natyre?
Ka shqetësime, ka tensione por Kukësi po kthehet në një vatër të ndezur dhe pakuptim në fakt, sepse njerëzit duhet të shprehin alternativat e tyre në mënyrën më të qetë, më të kulturuar, larg presioneve si të policisë, që as nuk duhet t’i shkojë mendja ndokujt, ashtu edhe të administratës publike e kështu me radhë.
Cili është komenti juaj në lidhje me porositë e ndërkombëtarëve për të plotësuar KQZ-në?
Është një dëshirë, është një angazhim, është një përpjekje për të kontribuuar, për të përmirësuar çdo gjë që mund të përmirësohet që të arrihet në standardet maksimale të zgjedhjeve. Ne kemi qëndrimin tonë se ndihemi shumë të qetë për arsye se opozita wshtw e përfaqësuar nw tw gjitha nivelet e administrimit tw zgjedhjeve. Jemi tw sigurt për legjitimin e këtij procesi.
Wshtw njw perceptim i saktë që ka tre kandidtë për Kryeministër në kwto zgjedhje?
Mendoj se nw kwto zgjedhje praktikisht ne kemi dy koalicione dhe natyrisht se nw rast se brenda koalicionit tw djathtë kemi njw lloj uniformiteti, brenda “Aleancës për Shqipwrinw Evropiane” kemi njw larmi mw tw gjerw qw wshtw edhe njw karakteristikë nw pwrgjithwsi e tw majtws, edhe për shkak tw njw formimi edhe mw demokratik, edhe mw civil. Natyrisht qw ashtu sicc kemi shumw gjwra tw pwrbashkwta kemi edhe kwndvwshtrime tw ndryshme, tw cilat nw fund tw fundit shprehin kompliraritet.
Cili është komenti juaj në lidhje qe keni me ndasitë me PS për taksën progresive?
Pa dashur të hyj në çështje shumë konkrete të programit të PS, unë mund të sqaroj se LSI ka dy kollona kryesore të gjithë programit të saj. E para është një ristrukturim i gjithë modelit tonë ekonomik që duhet bazohet përmes atyre reformave të cilat risin prodhimin në vend, me qëllim uljen e importeve, rritjen e eksporteve dhe konsolidimin e një ekonomie të shëndetshme dhe konkurruese, që garanton vende të reja pune dhe të qëndrueshme dhe afatgjata. Dhe kollona e dytë e gjithë programit tonë është punësimi. Pra, çdo politikë tjetër ne e shohim në funksion të punësimit. E para rritja e prodhimit në vend dhe e dyta është punësimi, edhe politikën në fushën e arsimit, edhe politikën në fushën e taksave ne e shikojmë në funksion të punësimit. Për ne prioritare është që sipërmarrjet vendase, të huaja, të jenë të interesuara për të vazhduar, për të investuar në Shqipëri, për të zgjeruar aktivitetet aktuale dhe njëkohësisht për të ardhur investitorë të tjerë. Sepse, pa këtë gjë do të jetë e pamundur të arrihen këto objektiva që ne kemi për të zhvilluar ekonominë tonë, për të rritur prodhimin këtu, shërbimet e kështu me radhë dhe mbi të gjitha nuk do të arrijmë dot të krijojmë vende të reja pune.
Ju jeni forcë politike e majtë si PS, në këtë vend ka një polarizim ekonomik. Ka njerëz që kanë shumë asete, nga ana tjetër ka njerëz që u luten shitësve për ushqime. A ka nevojë për një rregullator?
Absolutisht që po për këtë rregullator. Dhe unë jam i bindur që dallimi kryesor midis nesh në tërësi dhe alternativës së Berishës është pikërisht te roli rregullator i shtetit, tek politikat mbështetëse konkrete, te incetivat që shteti dhe qeveria duhet të bëjnë përsa i takon programeve të tilla të cilat nxisin sipërmarrjen për shtuar vendet e reja të punës dhe jo ta trishtojnë atë për ti ulur vendet e reja të punës me qëllim ulejn e kostos dhe garantimin e jetesës e kështu me radhë. Por, absolutisht nuk ka më të efektshme për të zgjidhur problemet sociale në familjen shqiptare, në komunitet, në shoqëri, është rruga e punësimit. Nuk është as rruga rritjes së ndihmës ekonomike.
Taksa progresive sikur është një taksë politike në fakt?
Ky është problemi që ne nuk duhet të përqendrohemi te zgjidhjet ideologjike. Ne duhet të përqendrohemi te qeveria që zgjidh problemet kryesore që ka vendi. Dhe problemet kryesore që sot ka vendi janë; një ekonomi që rritet, sepse jemi në prag të rënies. BERZHI e theksoi shumë qartë që Shqipëria për tre muajt e parë të këtij viti u rrit vetëm 0.5%. Pra, është shumë pranë recensionit, që do të thotë zero investime publike, të shkurtohen pagat, të shkurtohen pensionet e kështu me radhë. Dhe nuk mund të kalohet kjo situatë pa krijuar një klimë më miqësore ndaj biznesit, pa krijuar një klimë më miqësore ndaj sipërmarrjes sepse në fakt rritja do të jetë shumë e vështirë edhe për shtetin për të siguruar të ardhura më të mëdha në të ardhmen. Pra, nuk duhet të e
cim me të mendimin se, në këtë vend pasuria e dikujt është një problem për shoqërinë, por e rëndësishme është se si kjo pasuri të kthehet në një të mirë të përbashkët. Ne flasim për një shoqëri e cila synon të harmonizojë interesat, të krijojë një kohezion social, të krijojë një paqe sociale. Dhe nuk flasim kurrsesi për një shoqëri e cila bazohet në një antagonizëm social. Në këtë drejtim duhet të kemi parasysh se 85 për qind e të punësuarve janë si rezultat i këtyre personave që ju i ekspozoni në mënyrë figurative. Por që unë njoh shumë prej tyre, të cilët edhe paragjykohen, por kanë punuar dhe sakrifikuar shumë, kanë qindra njerëz në punë, kanë kredi, shteti u ka borxhe pa paguar, u ka TVSH-në të parimbursuar, janë të bllokuar në procese dhe absolutisht përpiqen që të mos heqin asnjë punëtor nga puna, pavarësisht se vetë në një situatë mjaft të vështirë, sepse kanë krijuar një lidhje të tillë edhe sociale, edhe njerëzore saqë mua shumë prej tyre nuk më duken kaq edhe pashpirt, siç i paraqisni ju.
Kjo shoqëri është shumë e kapitalizuar, erdhëm në një kapitalizëm shumë agresiv, shumë primitiv. A nuk do të zbutet kjo që të kemi një shtresë të mesme?
Absolutisht që kjo gjë do të zbutet dhe do të zbutet pikërisht në këtë mënyrë, përmes ristrukturimit të ekonomisë, përmes rritjes së biznesit të vogël dhe të mesëm, përmes zhvillimit të plotë të vendit, përmes modernizimit të bujqësisë dhe ringritjes së gjithë sistemit të agroindustrisë, përmes krijimit të këtyre parqeve industriale për të krijuar gjithë ato lehtësi që investitorë vendas, të cilët kanë nevojë për terrene, për infrastrukturë të gatshme sepse kanë projekte apo të huaj që duan të zhvendosen në Shqipëri, të vijnë, t’u krijohen lehtësira, të fusin njerëzit në punë dhe në këtë mënyrë do të zgjidhet problemi më i madh që ka sot shoqëria jonë që është ai i punësimit, por edhe shteti gradualisht do të arrijë të ketë gjithë ato të ardhura të domosdoshme që i duhen edhe për të financuar shumë probleme të tjera që kanë të bëjnë me mbrojtjen sociale të kategorive më në nevojë.
Por si do bëhet biznesi kur z. Rama ka deklaruar gjatë kësaj fushate që do të ndërtojë një komision të posaçëm për verifikimin e licencave të biznesit? Apo për rastin e privatizimit të katër HEC-eve të vogla që me ardhjen në pushtet do të anulojë apo do asgjësojë këtë proces privatizimi.
Kjo deklaratë duhet kuptuar dhe mbi bazën e informacionit që dikush merr. Sepse edhe z. Berisha deklaroi për TEC-in e Fierit para se të vinte në pushtet se do ta mbyllte e kështu me radhë por kjo gjë nuk ndodhi pavarësisht se ai nuk ishte efecient. Transparenca nuk ka asnjë gjë të keqe asnjëherë dhe nuk duhet të shërbejë asnjëherë si presion ndaj sipërmarrjes. Por, transparenca në çdo rast, për mendimin tim, është e shëndetshme. E rëndësishme për ne është të ecim më shpejt në drejtim të ristrukturimit të ekonomisë.
Si do të mund ta rimëkëmbi ekonominë shqiptare ?
Unë mendoj se ekonomia jonë i ka të gjithë mundësitë të rimarrë veten në një kohë shumë të shpejtë. Së dyti, jam i bindur që dialogu me bizneset, me sipërmarrjen do të jetë vendimtar për të gjitha politikat që do të ndiqen pasi pa këtë partneritet midis qeverisë së ardhshme dhe biznesit vendi nuk mund të ecë më shpejt në rrugën e progresit. Qeveria dhe biznesi nuk janë kundërshtar dhe armik me njëri-tjetrin. Përkundrazi janë partnerë dhe e kanë të domosdoshme këtë bashkëpunim dhe këtë mbështetje reciproke në funksion të së mirës publike dhe njëkohësisht të stabilitetit të vendit dhe të zhvillimit të tij. Sepse kjo është një domosdoshmëri për të arritur objektivat të përbashkëta.
Si do të mund të jetë komplementar programi juaj dhe ai i zotit Rama pas 23 qershorit? Dhe si do të mund të zhvillohen sektorët ekonomikë në vend?
Ne vazhdojmë dhe importojmë në mënyrë ekstreme ushqime produkte të cilat janë prodhuar në Shqipëri, dhe të cilat duke u prodhuar përsëri në Shqipëri. Ata do të bëjnë të mundur që ne të arrijmë të krijojmë një industri të vërtetë të bujqësisë e cila do të rrisë shumë vlerën e produkteve aq më tepër të atyre që përpunohen. Do të krijojë mundësi për punësim. Do të krijojë mundësi për rënien e importit, mundësi për eksporte. Sot ne kemi gjithë ata fermerë në Divjakë dhe në shumë zona të tjerë të Myzeqesë, të cilët kanë arritur të bëjnë investime me sakrifica të mëdha, eksportojnë nga tregjet më të shtrenjta në Evropë. Por, kjo duhet kthyer në një fenomen masiv që të mos i dërgojmë paratë jashtë për të blerë ato gjëra që ne i prodhojmë këtu. Këto para do ti marrin fermerët e Myzeqesë, do t’i marrin sipërmarrësit shqiptarë, ata që do të ecin përpara në gjithë industrinë agropërpunuese. Apo marrin rastin e mineraleve. Ne punësojmë punëtorë kinezë sepse e çojmë kromin si lëndë të parë batjava sepse nuk pasurohet këtu. Ndërkohë që edhe kromi dhe shumë minerale të tjera mund të pasurohen përmes ngritjes dhe nxitjes së fabrikave të pasurimit dhe atëherë do të dalë një produkt me një vlerë shumë të madhe edhe në tregun ndërkombëtar.
Pyetje nga publiku, z. Meta si mund të veprohet me cemin e banesave për një pensionist dhe ata që kanë të ardhura të pakta?
Në këtë rast mund të ndiqet një politikë e caktuar nga qeveria në bashkëpunim me pushtetin lokal. Natyrisht në rast se janë pa shtëpi duhet gjetur një zgjidhje për një banesë sociale përmes Entit Social të Banesave.
Një tjetër pyetje nga publiku, jam një i verbër, si mund të ndihmohem?
Padyshim për të gjitha këto kategori, sepse kemi kategori të ndryshme, padyshim që zgjidhja është përmes politikave sociale. Të cilat janë nga më të ndryshmet, sepse këto varen edhe nga kushtet specifike të çdo individi.
Pyetje nga publike. Jam një punonjës administrate. Kur të vini ju në pushtet z. Meta, a do të na detyroni të votojmë me dhunë ose do të na largoni nga puna?
Absolutisht që kjo do të ishte një ide shumë e gabuar, dhe shqiptarët nuk kanë nevojë që të iki një palë e të vijë një palë tjetër që të sillet në këtë mënyrë, por për të vendosur disa standarde të reja, sidomos në raport me administratën, e cila të jetë sa më e sigurt, sa më e qëndrueshme, dhe sa më efektive në kryerjen e funksioneve të saj.
P
yetje nga publiku. Si ka mundësi që Shqipërinë do ta çoni në Europë, por ende rrugët e Çepanit janë nuk janë bërë ashtu siç duhet?
Nuk është problemi që është vetëm rruga e Çepanit, por këtu ka shumë rrugë që nuk janë bërë ashtu siç duhet. Nuk është bërë siç duhet rruga Lushnje- Berat, nuk ka përfunduar akoma rruga Berat-Skrapar që ka ngelur 8 vjet në vend. Rruga e Çepanit ka pasur një rikonstruksion, falë edhe angazhimit tim në të kaluarën. por sigurisht që është në kuadrin e të gjithë rrugëve të Shqipërisë që nuk janë ashtu siç duhet, që nuk janë ashtu siç thotë doktori nëpër fjalime, që duhet të ecim më shpejt
A do të rikthehen në punë ato njerëz që u pushuan pas prishjes së koalicionit me Partinë Demokratike?
Natyrisht që ato që janë hequr në mënyrë të padrejtë dhe në mënyrë politike do të rikthehen.
A ka koalicioni një emër për kryeministër?
Më e rëndësishme është që z. Berisha nuk do të jetë më kryeministër, pas ditës së djelë, pas votimeve dhe kryeministri i aleancës për Shqipërinë evropiane do të zgjidhet në respekt të kushtetutës së vendit dhe rregullave të demokracisë.
Përsa i përket temave rreptësisht me karakter ekonomik. Ju si e perceptoni Shqipërinë e sotme, një vend të varfër, nj vend gjysmë të varfër, apo një vend që po zhvillohet?
Një vend që rrezikon të shkojë drejt rënies dhe regresit, shumë larg potencialeve reale për një zhvillim më të shpejtë. Sepse ne nuk jemi një vend shumë i zhvilluar apo shumë i industrializuar i cili ka ezauruar mundësitë e tij dhe ka rritje gjithnjë e më të vështirë. Por, jemi një vend që kemi nevojë dhe hapësira pafund për zhvillim, për investime dhe në këtë drejtim ne kemi gjetur shumë të drejtë edhe sloganin tonë, shumë kuptimplotë që duhet të ecim më shpejt, sepse kjo eufori kur parametrat e ekonomike të vendit dhe të familjeve shqiptare dhe sociale vijnë duke u vështirësuar, duke u përkeqësuar absolutisht që çon drejt një situate shumë të rëndë dhe të pamerituar.
Cilat janë prioritetet e së majtës pas 23 qershorit, nëse fiton zgjedhjet? P.sh z. Berisha i ka tre kolona kryesore të strategjisë së tij; infrastruktura, Shqipëria një superfuqi energjetike, dhe lehtësimet fiskale për të rritur punësimin dhe rritjen e investimeve të huaja.
Lidhur me këtë të fundit, unë mendoj se kjo është tepër e vonuar. Është e kohëve të fundit, pavarësisht se edhe për këtë arsye ne kemi insistuar që në fillim edhe në përpjekjen tonë për të realizuar sa më shumë disa elementë të programit tonë të vitit 2009 për t’i kushtuar sa më shumë rëndësi politikave fiskale, që nxisin punësimin. Por, realisht nuk ka qenë kjo vëmendje kryesore. Mendoj se z. Berisha ka pasur dhe ka dy koncepte të gabuara në thelbin e vet, pavarësisht nga deklaratat që bën dhe aspiratat që shpreh. E para, që tregu zgjidh çdo gjë, dhe e dyta, që rrugët zgjidhin çdo gjë. Pra, në kuptimin që mjafton të bësh disa rrugë dhe kjo do të thotë që zhvillimi është realizuar automatikisht. Ndërkohë që nuk ndodh gjithmonë kështu. Rrugët jo domosdoshmërish sjellin progres ekonomik dhe social në rast se nuk ka politika fiskale, nuk ka politika konkrete, të cilat nxisin investimet, të cilat nxisin sipërmarrjet, të cilat hapin vende të reja pune. E kam përmendur disa herë rastin e Kukësit ku investimi më i madh që është bërë është rruga e Kombit dhe impaktin më të madh social dhe ekonomik që duhet të kishte, duhet ta kishte në qytetin e Kukësit. Sepse distanca e Kukësit nga Tirana u shkurtua nga 7 orë në 1 orë e gjysmë. Por, e vërteta është që rritur dhe gati është dyfishuar numri i familjeve që marrin asistencë sociale në qytetin e Kukësit. Atëherë i gjithë ky investim i madh në rrugë çfarë impakti solli për një qytet që duhet të përfitonte më shumë se çdo qytet tjetër. Ka më pak njerëz në punë dhe ka më shumë familje që marrin asistencë sociale se përpara katër vitesh. Ky është një fakt. Rruga ka ndikimin e saj, por absolutisht që në qoftë se nuk bëhet një politikë e menduar mirë ekonomike, fiskale e kështu me radhë, atëherë nuk sjell atë progres ekonomik dhe social të saj. Pra, padyshim janë bërë disa rrugë të rëndësishme që nuk kanë qenë në të kaluarën por absolutisht që këto rrugë nuk mjaftojnë që bujqësia të ketë atë rendiment që duhet të ketë, të ketë atë prodhim që duhet të ketë, të ketë atë zhvillim që duhet të ketë. Sepse kërkon një politikë të tërë që nga subvencionimi i farave, që fermerët tanë të marrin farërat më të përzgjedhura dhe jo të marrin farëra dosido, të cilat dështojnë pa e mbjellë mirë. Dhe në gjithë procesin që kemi thënë, në sistemin e grumbullimit, me magazinat frigoriferike që, në qoftë se fermeri nuk e shet dot domaten sot e nesër detyrohet ta hedhë në kanal, kur ai mund të gjejë një moment më të favorshëm për ta shitur, me industrinë agropërpunuese e kështu me radhë. Pra, është një sistem i tërë, politika të tëra që duhen ndjekur. Shumë mirë që u bë tuneli i Kalimashit. Unë kam qenë atje për ta inauguruar në vitin 2009. Nuk ka asgjë të keqe që u bë tuneli i Krrabës. Meqenëse ju përmendët problemin e varfërisë dhe aktualisht që ne jemi në një situatë problematike, për të mos thënë edhe shumë dramatike për shumë shtresa të shoqërisë për të cilat të ardhurat nga emigracioni kanë rënë në mënyrë drastike, problemi i punësimit është bërë gjithmonë edhe më i vështirë. Po të vazhdojmë me tunelet e në Shqipëri nuk mbarojnë kurrë sepse përveç Myzeqesë gjithë pjesa tjetër është malore, më saktësisht 2/3 e Shqipërisë janë male. Problemi është se ne sot duhet t’i krijojmë mundësi qytetarëve tanë që këtë situatë të vështirë ekonomike dhe sociale, e cila nuk do të jetë e lehtë edh për disa vite sepse kjo ndikohet edhe nga disa faktorë rajonalë ndërkombëtarë e kështu me radhë, në gjatë kësaj kohe do të menaxhojmë të gjitha resurset dhe të gjitha potencialet tona. Ne shqiptarëve kemi mundësi t’u ofrojmë punë sepse janë mundësitë për të gjithë. Duhet ë investojmë kryesisht në këtë drejtim. Kjo nuk ndo të thotë se nuk do të bëjmë punë, do të zhvillojmë partneritetin publik-privat sepse përmes buxhetit të shteti kjo gjë është e vështirë ta vazhdojë.
Pra, në strategjinë tuaj, duhen lëvizur kapitalet dhe investimet në buxhetin e shtetit në drejtim të bujqësisë dhe hapjes së vendeve të reja të punës dhe më pak për infrastrukturë…
Në infrastrukturë do të nxisim partneritetin publik-privat, pra duhet të nxisim koncesionet siç është për shembull dh
ënia e rrugëve apo veprave publike me koncesion.
Ndoshta nuk ka interes nga investitorët për këtë gjë apo ka munguar oferta?
Unë mendoj se gjendet mënyra për këtë gjë. Unë mendoj se burimet kryesore që ka vendi duet të alokohen sidomos në fushën e bujqësisë sepse Maqedonia e subvencionon 15 herë më shumë se sa ne bujqësinë pavarësisht se është sa 2/3 e Shqipërisë.
Në çfarë fushash i ka këto subvencione?
Me të gjitha, që nga inputet e me gjithçka. Këtu konsumohen vazhdimisht produkte maqedonase sepse ato dalin me një kosto shumë të lirë dhe domatet tona për shembull ngelin pa u shitur. Për një kohë derisa bujqësia të marrë veten ka nevojë për këtë mbështetje, sepse pastaj do të kthehet në një industri do të kthehet në një biznes për të gjithë që do të mbajë gjithë vendin jo vetëm fermerët. Pra ne kemi nevojë tani për të ecur në drejtim të këtyre politikave të cilat krijojnë vende të reja pune. Kjo mendoj se është kryesorja pikërisht tani.
Çfarë do të jetë diferenca që ju do të sillni pas 23 qershorit?
Duhet të kuptojmë se aktualisht alternativa e z. Berisha është bërë një pengesë serioze dhe një shqetësim serioz, në radhë të parë për demokracinë dhe institucionet e pavarura. Për të mos folur për problemet shumë të mëdha ekonomike me të cilat ndeshet vendi dhe që janë rezultat i mungesës së një realizmi. Në rast se do të kishim pranuar që në fillim që gjendeshim në një situatë të vështirë dhe Shqipëria si një vend i prekur nga kriza ndoshta mund të kishte pasur një reflektim. Momenti në të cilin ndodhemi tregon qartë se shërbimi më i mirë që mund t’i bëjë Berisha edhe vetes është të pranojë më dinjitet humbjen. Ka dhënë maksimumin që mund të jepte. Por natyrisht që Shqipëria kërkon një frymëmarrje tjetër. Berisha është bërë një pengesë për të gjithë frymëmarrjen demokratike në vend.
Berisha sjell bilance apo jo?
Vendi është në një situatë të vështirë. Mos harrojmë që mund të shkojmë drejt një situatë ku borxhi mund të jetë mjaft i vështirë për tu menaxhuar. Situatë është e tillë. Kemi edhe mjaft borxhe të pashlyera të biznesit. Megjithatë unë besoj se kjo situatë është e menaxhueshme, sigurisht duke pranuar vështirësitë, sepse problemi kryesor i Berishës është sepse nuk pranon vështirësitë, është ajo që vjen me bilancin plotë, ndërkohë që shumica njerëzve i kanë xhepat bosh. Nuk e zbukurojmë dot atë situatë sociale dhe ekonomike me të cilën ndeshet shumica e familjeve shqiptare. Edhe raporti i fundit i Bankës Botërore ishte mjaft kritik në këtë drejtim. Berisha nuk jep dot zgjidhje për këtë.
Pse ju dhe z. Rama do ti jepni zgjidhje kësaj përgjigje?
Sepse mendoj se do të zgjidhen çështjet me themel dhe sepse në radhë të parë për të zgjidhur një problem duhet ta pranosh dhe duhet të kesh guximin, kurajon për ta pranuar dhe për ta zgjidhur. Ndërsa Berisha gjithmonë ju ikën problemeve, kalon TAP, tek kaskat e Devollit, tek gjëra që i takojnë së ardhmes, por natyrisht që njerëzit çdo ditë ndeshen me të njëjtat probleme dhe këto probleme e bëjnë jetën e tyre gjithmonë e më të vështirë.
Ju po thoni që Berisha i ushqen shqiptarët me ëndrra, ndërsa ju do ti ushqeni me gjëra konkrete?
Mendoj se shqiptarët kanë nevojë për gjëra konkrete për të zgjidhur problemet e përditshme dhe njëkohësisht për të realizuar hap pas hapi edhe ëndrrat e tyre.
Cili është problemi i zotit Gjinushi, thotë o kalë troje o më mirë Berisha kryeministër se Ilir Meta, të çlirohet e majta nga Ilir Meta?
Nuk e di. Unë di këtë gjë që të majtët e kanë kërkuar gjithmonë këtë bashkëpunim, janë të gëzuar. E shprehin këtë kudo. I vetmi i majtë që është i mërzitur është ky. Nuk di ta shpjegoj fare.
Si e shpjegoni z. Meta që Dritan Prifti mbledh votat në Fier kundra LSI dhe PS?
Asnjë votë nuk i ikën LSI në Fier. Nuk e di çfarë bën ai, di që votat e LSI do të shkojnë lumë në 23 qershor në Fier, në Lushnje, në Mallakastër.
Si shpjegohet që po mbështet PD në Fier z. Prifti?
Nuk e di fare këtë gjë dhe nuk më intereson.
Në lidhje me mesazhet e z. Rama që shpërndahu në lidhje me deputet që do të marrë, dhe nuk e përmendte fare LSI. Vetë Rama deklaroi se kjo nuk është e vërtetë dhe është kodifikuar mesazhi…
Unë besoj se ndodh sepse e kam verifikuar në disa raste. Ekziston teknologjia që del numri juaj pavarësisht se ju nuk e dërgoni.
Z. Meta pa ju nuk bëhet koalicioni qoftë majtas qoftë djathtas?
Ne nuk jemi sepse na do dikush apo nuk s’na do dikush. Ne përfaqësojmë vullnetin e atyre që na besojnë, që na përkrahin, që ndajnë me ne të njëjtat ide dhe të njëjtat projekte për të ardhmen. Ne jemi një realitet siç janë dhe të tjerët realitete dhe në politikë, politika në mëson që duhet bashkëpunuar për të mirën e të gjithëve.
Votat që merrni ose i keni në rritje ose konstante. Si është e mundur që keni një votues kaq besnik ndërkohë që keni pasur si në rastin e vitit 2009 një presion ndoshta edhe një grabitje të madhe ndaj LSI-së?
Kjo i dedikohet misionit të LSI-së, e cila erdhi në jetën politike për ta bërë atë më demokratike dhe unë mendoj se jeta politike në Shqipëri, pavarësisht shumë problemeve që ende e shoqërojnë, me LSI-në në skenë është bërë më dinamike, më interesante, është bërë më e emancipuar. Janë thyer shumë tabu. Kemi shumë risi. Ka një frymë tjetër kompromisi. Kjo nuk është në mënyrë të qëndrueshme por këto erëra kanë fryrë dhe fryjnë vazhdimisht. LSI pasqyron një vullnet të qytetarëve shqiptarë për të pasur një a
lternativë për të shprehur pikëpamjet e tyre, mendimet e tyre, por edhe një tribunë për t’u afirmuar të rinj, intelektualë, të cilët që e kanë pasur të vështirë në forcat e tjera politike.
Pse asnjë nga partitë e mëdha nuk fiton dot e vetme në mënyrë dominuese? Keni që nga viti 2005 që dominoni qeverisjen.
Ne nuk mund të themi asnjëherë populli shqiptar ka gabuar në zgjedhje, pavarësisht nga ndikimi i politikës tek vullneti dhe rezultati i zgjedhjeve. Por, ajo që mund të them nuk është problemi se një parti e vetme nuk mund të ketë shumicën. Edhe mund ta ketë. Por, eksperiencat e kanë treguar që këto shumica kanë qenë pa asnjë lloj mekanizmi ekulibrues apo rregullator dhe kanë sjellë një arrogancë të madhe në vendimmarrje. Besoj se kjo është një votë e mençur. Është një votë për të pasur një rregullator në politikë, për të evituar sado të jetë e mundur atë konfliktin e ashpër, dhe pa kuptim. Por, kjo ka të bëjë me stadin e demokracisë së partive të tjera. Në rast se do të ishin edhe më demokratike dhe më gjithëpërfshirëse edhe mund të arrihej një shumicë e një partie të vetme.
Si e cilësoni rolin e LSI-së në rastin e zgjedhjes së presidentit?
Ne i bëmë përpjekjet maksimale po të kemi parasysh se edhe situata ishte mjaft e brishtë, ku nga njëra anë kishim Partinë Demokratike e cila kishte shprehur qartazi vullnetin për të pasur një president të sajin dhe lidershipin e Partisë Socialiste që kërkonte të arrinte maksimumin nga ky proces, që nuk është gjithmonë e lehtë kur je në opozitë arrish maksimumin. Pra, ajo që është më e mundshme është kompromisi. Roli ynë ishte për të gjetur zgjidhjet për një president konsensual, i bënë ato përpjekjet tona, por natyrisht që nuk e kishim vetëm ne në dorë këtë çështje. Dhe në momentin kur ishim para një situate, kur mendoje të çosh vendin në zgjedhje pse nuk u zgjodh presidenti në një kohë kaq të shkurtër se çfarë shqetësimesh, kontestimesh dhe pasojash mund të kishte kjo në një plan afatgjatë. Ndaj edhe ne pranuam atë zgjidhje me mendimi që stabiliteti i vendit për momentin ishte më i rëndësishëm. Vumë re me kalimin e kohës që kjo zgjidhje po përdorej për të përqendruar pushtetet e disa institucioneve të pavarura nga ana maxhorancës aktuale. Dhe natyrisht që kjo çështje mori një drejtim jo të papritur, të parashikuar që kishte të bënte me ekuilibrin e ri politik.
Janë edhe shumë emërtesa dhe dekretime të presidentit të Republikës sepse ju në fillim të këtij emisioni për ngjarjet në Kukës, ju përmendët z. Nishani. A besoni se z. Nishani do ta marrë dhe do ta dëgjojë apelin tuaj?
Unë shpresoj që të reagojë sepse këtu kemi të bëjmë me standardin e zgjedhjeve dhe standardi i zgjedhjeve është shumë i rëndësishëm për të gjithë vendin, është e rëndësishme edhe për besueshmërinë e Presidentit të Republikës, siç është edhe besueshmëria e shumë institucioneve të tjera. Sepse në fund të fundit është një garant në shumë aspekte, ka një ndikim në shumë institucione.
Ju deklaruat se forcat e SHKB-së, forcat e Policisë se po krijojnë shantazhe dhe presion 72 orë përpara procesit elektoral. Po ditën e zgjedhjeve, po pas tyre? A mendoni se ky alarm që ju ngritët do të receptohet nga Presidenca e Republikës?
Unë shpresoj se po, sepse nuk besoj se presidenti i republikës pavarësisht se kush e ka propozuar dhe cilat kanë qenë raportet e tij politike në të kaluarën, do të dëshironte që të komprometohej një proces zgjedhor për shkak të mosndërhyrjes së tij.