Author: admin-lsi

24 Jun Konferencë për shtyp e Kryetarit të Lëvizjes Socialiste për Integrim, z. Ilir Meta

“Në radhë të parë dua të falënderojë të gjithë qytetarët shqiptarë për pjesëmarrjen e gjerë në votime gjatë ditës së sotme. Njëkohësisht, dua të falënderoj për këtë fitore plebishitare për opozitën, por edhe për këtë votim të jashtëzakonshëm që ka ndodhur sot për Lëvizjen Socialiste për Integrim jam i bindur edhe nga të dhënat tona dhe nga të gjitha vlerësimet e pavarura se Aleanca për Shqipërinë Evropiane ka tashmë në kuti të paktën 80 mandate dhe njëkohësisht se LSI-ja ka aktualisht në kuti 15 deri në 20 mandate. Megjithatë, nuk është kjo më e rëndësishmja, sepse fitorja e opozitës ka qenë e ditur prej të gjithëve. Edhe suksesi i LSI-së ka qenë i qartë për të gjithë. E rëndësishme është tani që procesi të vijojë normalisht, të gjithë komisionerët tanë të gjithë numëruesit tanë të bëhen pjesë, siç kanë qenë që nga fillimi i ditës së sotme, i një procesi i cili na nderon si një vend evropian.

23 Jun Deklarata e kreut të delegacionit të Parlamentit Evropian për marrëdhëniet me Evropën Juglindore, Eduard Kukan pas takimit me Kryetarin e LSI-së, z. Ilir Meta.

“Parlamenti Evropiane ka vendosur të dërgojë një delegacion prej katër deputetësh për të vëzhguar zgjedhjet e përgjithshme, duke e theksuar edhe një herë rëndësinë që ka kjo ditë për vendin tuaj. Ne erdhëm për të shprehur mbështetjen tonë për vendin tuaj dhe të ardhmen e tij evropiane. Ne dëshirojmë që Shqipëria të ecë shpejt drejt rrugës së saj drejt integrimit evropian. Dhe për këtë ne presim që i gjithë procesi zgjedhor të jetë i ndershëm, demokratik në përputhje me standardet evropiane, që nga votimi, procesi i numërimit të votave dhe deri te njohja e rezultateve.

23 Jun Deklarata për mediat e Kryetarit të Lëvizjes Sociasliste për Integrim, z. Ilir Meta nga Laçi

“Dje në mesnatë kam qenë në qytetin e Lezhës dhe kam vizituar disa aktivistë dhe komisionerë të Lëvizjes Socialiste për Integrim, të cilat janë sulmuar me armën dhe me mjete të forta nga banditë të Partisë Demokratike në zonën e Laçit. Po dje kam takuar Drejtorin e Policisë së Lezhës së bashku me z. Spartak Braho dhe me drejtorin e Përgjithshëm të Policisë, z. Hysni Burgaj, ku i kam njohur me këto zhvillime dramatike si pjesë e një skenari të dhunshëm dhe i kam kërkuar që policia jo vetëm të distancohet, por të marrë masa për të ndaluar një gjakderdhje të mundshme për sot. Sidomos në Laç, në Mamurras, në Fushë Kuqe absolutisht banditët dhe kriminelët, të cilët janë aktualisht tani që po flasim ne përpara qendrave të votimeve të Mamurrasit dhe po u bëjnë presion qytetarëve për të treguar votën, janë me mbështetjen e policisë dhe segmenteve të policisë këtu dhe në kupolën e lartë të policisë së Shtetit.

21 Jun Ilir Meta: Rigjallërimi i ekonomisë dhe vendet e reja të punës, thelbi i angazhimit dhe programit

Kryetari i Lëvizjes Socialiste për Integrim, Ilir Meta, zgjodhi që ta përmbyllë fushatën me një vizitë në një fabrikë prodhimi dhe eksportimi këpucësh, konfeksioni, në kompaninë “Doniana SHPK”. Në këtë fabrikë janë të punësuara mbi 1200 gra dhe vajza. Në një prononcim për mediat e pranishmi, Lideri i Lëvizjes Socialiste për Integrim, Ilir Meta, deklaroi se thelbi programit të LSI-së është rigjallërimi i ekonomisë dhe në veçanti orientimi drejt eksporteve. Sipas tij kjo është rruga më e shkurtër për të hapur vende të reja pune dhe që ato të jenë afatgjata. “Sot në ditën e fundit të fushatës elektorale unë zgjodha që të përfundoja të gjithë këtë fushatë me një vizitë në një nga sipërmarrjet më të suksesshme, që drejtohet nga një zonjë dhe njëkohësisht ku janë të punësuara me qindra gra dhe vajza, në një sipërmarrje e cila është mjaft e suksesshme edhe në drejtim të eksporteve. I gjithë thelbi i angazhimit dhe i programit tonë për të ardhmen është rigjallërimi i ekonomisë, ristrukturimi i saj e në mënyrë të veçantë orientimi drejt eksporteve si rruga më e sigurt për të pasur një ekonomi të shëndetshme, një ekonomi konkurruese që garanton vende të qëndrueshme, të sigurta e afatgjata të punës”, u shpreh Kryetari i Lëvizjes Socialiste për Integrim, Ilir Meta.

21 Jun Intervista e Kryetarit të LSI-së, Ilir Meta, në emisionin “360 gradë”, të gazetarit Artur Zheji

Pse nuk u bë Boshti i Jugut në këto katër vite z. Meta?

Sepse nuk ka pasur një vullnet real për të mbështetur Qarkun e Beratit dhe së dyti dihet që politikat e kësaj qeverie kanë pasur si komponent të tyrin kryesor një eufori dhe një populizëm që e ka bërë të pamundur një menaxhim racional të buxhetit të shtetit. Nuk është se po akuzojmë thjesht se pse nuk u bë Boshti i Jugut sepse është një vepër madhore. Këtu bëhet fjalë që rruga e vjetër Lushnje-Berat është ende në një gjendje të skandaloze. As mbushja e gropave nuk është bërë. Është e pafalshme se si është lënë pas dore në këtë mënyrë Qarku i Beratit. Jo vetëm z. Naço por edhe deputet e tjerë kondicionuan votën e tyre por buxhetit me vendosjen e fondeve për Beratin, të cilat u vendosën por nuk u përdoren.

21 Jun Meta i përgjigjet diversionit te Sali Berishës. Meta: Përjashtoje çdo koalicion pas zgjedhor me Sali Berishën dhe PD

Lëvizja Socialiste për Integrim ka zhvilluar një miting madhështor në qendër të qytetit të Beratit, takim ku morën pjesë mijëra qytetarë dhe simpatizantë të LSI-së nga i gjithë qarku. Gjatë këtij takimi përmbyllës të fushatës së LSI-së në Berat mori pjesë dhe Kryetari i Lëvizjes Socialiste për Integrim i shoqëruar nga ekipi i 8 kandidatëve për deputetë të LSI-së në Qarkun Berat. Lideri i LSI-së, z. Ilir Meta në fjalën e mbajtur në këtë takim u shpreh se Beratin dhe Shqipërinë e ndajnë edhe 72 orë nga fitorja e madhe. “Edhe 72 orë për të festuar fitoren e merituar që do të ndihmojë Beratin të ecë më shpejt dhe gjithë Shqipërinë të ecë më shpejt dhe pa u ndalur. Ne do të fitojmë sepse Berati meriton një të ardhme më të mirë dhe e meriton sot. Ne do të fitojmë sepse Berati kërkon punë dhe Plani ynë për Punësimin do të vërë Beratin në punë dhe të gjithë Shqipërinë në punë”, tha ndër të tjera z. Meta.

20 Jun Meta: Do të zgjidhim një herë e mirë çështjen e rimbursimit të TVSH-së

Kryetari i Lëvizjes Socialiste për Integrim, Ilir Meta, ka vizituar një fabrikë ku prodhohen tulla në fshatin Maminas. Në bashkëbisedimin e zhvilluar me investitorët dhe punonjësit e pranishëm z. Meta tha se është inkurajues fakti që ka biznese të tilla që prodhojnë dhe eksportojnë. Ai premtoi mbështetje akoma edhe më të madhe. ‘Është kënaqësi e veçantë të vizitoj një biznes të tillë, i cili prodhon tulla, në një kohë kur situata ekonomike është mjaft e vështirë dhe kur hapësirat dhe mundësitë për këto sipërmarrje janë bërë gjithnjë e më problematike. Megjithatë është mjaft inkurajues fakti që punohet dhe jo vetëm ka, prodhohet dhe eksportet. Është një objektiv i ynë që të jemi më pranë këtyre aktiviteteve prodhuese, këtyre aktiviteteve që gjenerojnë eksport, duke u krijuar më shumë lehtësi”, u shpreh kryetari i Lëvizjes Socialiste.

20 Jun Meta: Jemi kundër politikës përçarëse dhe shtypse të kësaj qeverie

Lëvizja Socialiste për Integrim ka zhvilluar një miting madhështor në qytetin e Lushnjës, takim ku morën pjesë mijëra qytetarë dhe simpatizantë të kësaj force politike. Gjatë këtij takimi përmbyllës të fushatës së LSI-së në Lushnjë mori pjesë dhe Kryetari i Lëvizjes Socialiste për Integrim i shoqëruar nga kandidatët për deputetë të LSI-së në Qarkun Fier. Lideri i LSI-së, z. Ilir Meta në fjalën e mbajtur në këtë takim u shpreh se Shqipërinë dhe shqiptarët i ndajnë vetëm 3 ditë nga dita kur të gjithë do të fillojmë të ecim më shpejt drejt zhvillimit.

19 Jun Manjani :Po blihet vota dhe po shkatërrohet procesi i identifikimit. Manjani : Komisionerët e LSI do jene rigoroze për identifikimin e zgjedhësve

Për turpin e këtyre zgjedhjeve, dje në mënyrë haptazi të paligjshme, KQZ e urdhëruar drejtpërdrejt nga Kryeministria refuzoi përdorimin e pajisjeve elektronike për verifikimin e kartës së identitetit. Kodi Zgjedhor e përcakton qartë se: “në Tiranë do të përdoret lexuesi elektronik i kartës së identitetit dhe pasaportës biometrike.”

KQZ del mbi Kodin dhe vendos të kundërtën. Skandali është që kompania pranon se pajisjet janë funksionale dhe të gatshme për të funksionuar. Këto pajisje nuk lejojnë përdorimin e kartës së identitetit false apo më shumë se një herë për votim.

19 Jun LSI: Dhuna në Qarkun e Kukësit akt kriminal.

Ralf Gjoni

Jam këtu në emër të Lëvizjes Socialiste për Integrim, të dënoj rëndë një seri aktesh dhune dhe presioni elektoral që po ushtrohet këto ditë, përsëri në Qarkun e Kukësit.